وفاقی حکومت نے پمز سانحے میں جاں بحق ہونے والے بچوں کے لواحقین کے لیے مالی معاوضے کا اعلان کردیا ہے۔
یہ بھی پڑھیں: پمز سانحہ: جاں بحق نومولود بچوں کی یاد میں شمعیں روشن
وفاقی حکومت کے مطابق سانحے میں جاں بحق بچوں کے ہر خاندان کو 50 لاکھ روپے معاوضہ دیا جائے گا۔
حکومت کا کہنا ہے کہ مالی معاوضہ قیمتی انسانی جانوں کا نعم البدل نہیں ہوسکتا، تاہم مالی معاونت غمزدہ خاندانوں کی مشکلات کم کرنے کی ایک کوشش ہے۔
یہ بھی پڑھیں: سانحہ پمز : تحقیقاتی کمیٹی کی سفارشات پر من و عن عمل، ذمہ داران کو قرار واقعی سزا ملنی چاہیے، مصطفیٰ کمال
وفاقی حکومت نے متاثرہ خاندانوں سے اظہارِ ہمدردی کرتے ہوئے کہا کہ وہ ان کے غم میں برابر کی شریک ہے اور متاثرہ خاندانوں کو ہر ممکن تعاون فراہم کیا جائے گا۔
