چین کی ریلوے کنسٹرکشن کمپنی (CRCC) نے الجزائر میں 575 کلومیٹر طویل ویسٹرن مائننگ ریل وے کا مکمل ٹریک نصب کرنے کا اعلان کیا، جو افریقہ کی پہلی صحرائی ہیوی ہال ریل وے ہے۔ یہ منصوبہ چینی اور الجزائری کمپنیوں کی مشترکہ کاوش سے تین ماہ قبل مکمل ہوا۔
رپورٹ کے مطابق ریل وے کی تعمیر کے دوران صحرا کے سخت حالات میں 1.1 ملین کنکریٹ سلیپرز تیار کیے گئے اور 580 کلومیٹر سے زائد ریلیں بچھائی گئیں اور ویلڈ کی گئیں۔ منصوبے میں الجزائر کی پہلی خودکار ریل ویلڈنگ لائن اور جدید CPG500 ٹریک مشین بھی استعمال کی گئی۔
یہ بھی پڑھیں:امریکی اقدامات کے جواب میں افریقہ کے 2 ممالک کی جانب سے جوابی پابندیوں کا اعلان
ویسٹرن مائننگ ریل وے بیلٹ اینڈ روڈ پروجیکٹ کا حصہ ہے اور اس کا مقصد جنوب مغربی الجزائر کے معدنیات، صنعتی زونز اور بندرگاہوں کو مربوط کرنا ہے، جس سے علاقائی اقتصادی ترقی اور نقل و حمل کے روابط میں بہتری کی توقع ہے۔
