۔
شمال مشرقی کولمبیا میں ایک طیارہ حادثے کا شکار ہو گیا، جس کے نتیجے میں طیارے میں سوار تمام 15 افراد ہلاک ہو گئے۔
سرکاری فضائی کمپنی ساتینا کے مطابق جاں بحق ہونے والوں میں ایک مقامی قانون ساز بھی شامل تھے۔
یہ بھی پڑھیں:دھمکیوں کے بعد، ٹرمپ نے کولمبیا کے صدر پیٹرو کو وائٹ ہاؤس مدعو کیا
بیچ کرافٹ 1900 ماڈل کا 2 انجنوں پر مشتمل ٹربو پروپ طیارہ دوپہر سے قبل وینزویلا کی سرحد پر واقع شہر کوکوٹا سے اوکانیا کے لیے روانہ ہوا تھا، جو ایک مختصر پرواز تھی۔
💔✈️ Tragedy in Colombia
A Satena flight from Cúcuta to Ocaña disappeared from radar before crashing in remote jungle terrain in northeastern Colombia.
All 15 onboard killed — including 2 crew members, lawmaker Diógenes Quintero & an election candidate.#PlaneCrash #Colombia pic.twitter.com/5sxn7e2Dgy
— GlobeUpdate (@Globupdate) January 29, 2026
فضائی ٹریفک کنٹرول کا طیارے سے پرواز کے 12 منٹ بعد رابطہ منقطع ہو گیا۔
فضائی کمپنی نے مزید بتایا کہ حادثے کی وجہ تاحال معلوم نہیں ہو سکی اور طیارے کا ایمرجنسی بیکن بھی فعال نہیں ہوا تھا۔
ایئرلائن کی جانب سے جاری کی گئی مسافروں کی فہرست کے مطابق مقامی قانون ساز ڈیوجینس کوئنٹیرو، ان کے عملے کے ارکان، اور کارلوس سالسیڈوبھی طیارے میں سوار تھے، جو مارچ میں ہونے والے انتخابات سے قبل کانگریس کے امیدوار تھے۔
مزید پڑھیں: کولمبیا کے صدارتی امیدوار میگوئل اُریبی کے نوعمر قاتل کو 7 سال قید کی سزا
مقامی میڈیا کی جانب سے جاری کی گئی تصاویر میں تباہ شدہ طیارہ دکھایا گیا، جس کے ڈھانچے کو شدید نقصان پہنچا تھا۔
حادثہ جس علاقے میں پیش آیا وہ ایک پہاڑی خطہ ہے جہاں کوکا کے پودے کاشت کیے جاتے ہیں، جو کوکین کی تیاری میں استعمال ہوتے ہیں۔
اس علاقے میں نیشنل لبریشن آرمی اور کولمبیا کی انقلابی مسلح افواج کے ایک باغی دھڑے سمیت متعدد غیر قانونی مسلح گروہ سرگرم ہیں۔
