پاکستان کی اسپیس اینڈ اپر ایٹماسفیئر ریسرچ کمیشن (سپارکو) نے چین کے یانجیانگ سی شور لانچ سینٹر سے پاکستان کا دوسرا ملکی الیکٹرو-آپٹیکل سیٹلائٹ ای او 2 کامیابی کے ساتھ خلا میں بھیج دیا جو ملک کی بڑھتی ہوئی خلائی صلاحیتوں میں ایک اور سنگ میل ہے۔
یہ بھی پڑھیں: پاکستان کا سیٹلائٹ امیجری اور اے آئی کے ذریعے بحری تحفظ اور ماحولیاتی خطرات سے نمٹنے کا منصوبہ
آئی ایس پی آر کے مطابق ای او 2 کو سپارکو کے سیٹلائٹ ریسرچ اینڈ ڈویلپمنٹ سینٹر میں مکمل ملکی تحقیق اور نظامی انجینیئرنگ کے ذریعے ڈیزائن، تیار اور مربوط کیا گیا۔
Pakistan’s PRSC-EO2 Earth observation satellite has been successfully placed into its designated orbit. The country’s space agency, SUPARCO, confirmed that all launch parameters were met with precision and the satellite is now operating in a stable orbit. pic.twitter.com/zmbOCOn5TI
— Mohsin Ali (@Mohsin_o2) February 12, 2026
اس کامیابی نے پاکستان کی سیٹلائٹ ڈیزائن، پی لوڈ انٹیگریشن، ٹیسٹنگ اور مشن کی تیاری میں بڑھتی ہوئی مہارت کو اجاگر کیا ہے۔
ای او 1 کے ساتھ کام کرنے کی صلاحیت
ای او 2 کو اس انداز سے تیار کیا گیا ہے کہ یہ اپنے پیشرو ای او 1 کے ساتھ ہم آہنگ ہو کر زمین کی مشاہداتی معلومات فراہم کرے۔
مزید پڑھیے: پاکستان کا پہلا ہائپر اسپیکٹرل سیٹلائٹ کامیابی کے ساتھ خلا میں روانہ
یہ سیٹلائٹ مختلف روشنی کے حالات میں زمین کا مشاہدہ کر کے سطحی خصوصیات کی بہتر تفہیم کے ساتھ تبدیلیوں کا پتا لگاتا ہے اور تصویری تسلسل فراہم کرتا ہے۔
قومی منصوبہ بندی اور ترقی میں کردار
ای او 2 پاکستان کے زمین مشاہداتی سیٹلائٹ بیڑے کو مزید مضبوط بناتا ہے جس سے قومی منصوبہ بندی، حکمرانی، وسائل کے انتظام اور ملکی سطح پر تیار کردہ قابل اعتماد خلائی نظاموں کی ترقی کے لیے ضروری ڈیٹا کی دستیابی میں اضافہ ہوگا۔
