پاکستان کرکٹ ٹیم کے جارح مزاج بلے باز صاحبزادہ فرحان نے حال ہی میں ایک انٹرویو میں اپنے پسندیدہ پاکستانی بیٹر کا نام بتا کر شائقین کو حیران کر دیا۔
یہ بھی پڑھیں: ٹی20 ورلڈ کپ: صاحبزادہ فرحان سینچری بنانے والے دوسرے پاکستانی، 2 اور ریکارڈ بھی بنا لیے
نمیبیا کے خلاف میچ میں صاحبزادہ فرحان نے نہ صرف شاندار سینچری اسکور کی بلکہ ٹیم کی فتح میں اہم کردار ادا کرتے ہوئے مین آف دا میچ کا اعزاز بھی حاصل کیا۔ ان کی شاندار بیٹنگ نے ٹیم کو اہم کامیابی دلائی اور مداحوں میں جوش و خروش پیدا کیا۔
وسیم اکرم کے سوال کا دلچسپ جواب
سابق کپتان وسیم اکرم کو دیے گئے ایک انٹرویو میں صاحبزادہ فرحان سے سوال کیا گیا کہ بیٹنگ میں ان کا آئیڈیل کون ہے جس پر انہوں نے کہا کہ ’میرے آئیڈیل بیٹر احمد شہزاد ہیں، انہیں دیکھ کر میں نے کرکٹ کھیلنی شروع کی اور وہ میرے فیوریٹ کھلاڑی ہیں۔
احمد شہزاد کے ساتھ تجربات
صاحبزادہ فرحان نے بتایا کہ وہ احمد شہزاد کے ساتھ ڈومیسٹک کرکٹ کھیل چکے ہیں اور انہیں ہمیشہ فالو کرتے ہیں۔
مزید پڑھیے: ٹی20 ورلڈ کپ: قومی کرکٹر صاحبزادہ فرحان نے اہم سنگ میل عبور کرلیا
انہوں نے کہا کہ میں جب بھی کسی مسئلے میں پھنس جاتا ہوں تو احمد شہزاد سے مشورہ لیتا ہوں۔ انہوں نے مزید کہا کہ ان کا تجربہ میرے لیے بہت قیمتی ہے۔
پہلی انٹرنیشنل سینچری کا جذباتی لمحہ
نمیبیا کے خلاف سینچری کے حوالے سے بات کرتے ہوئے صاحبزادہ فرحان نے کہا کہ میری کوشش تھی کہ یہ سینچری میں سنہ 2025 میں مکمل کروں لیکن وہ ممکن نہیں ہوسکا۔
انہوں نے کہا کہخوش قسمتی سے یہ سینچری آخر کار میں مکمل ہو گئی جو میرے کیریئر کے لیے ایک یادگار لمحہ ہے۔
صاحبزادہ فرحان کی جانب سے احمد شہزاد کو آئیڈیل بیٹر قرار دینے سے یہ بات واضح ہوتی ہے کہ نئے کھلاڑی تجربہ کار کھلاڑیوں سے سبق سیکھ کر اپنی مہارت کو نکھار رہے ہیں۔
اس کے ساتھ ساتھ یہ نوجوان بلے باز کے شائقین کے لیے ایک خوش آئند خبر بھی ہے کہ پاکستان کرکٹ میں ٹیلنٹ کی نئی نسل اب اپنے نشان چھوڑ رہی ہے۔
مزید پڑھیے: ایشیا کپ: صاحبزادہ فرحان کا نصف سینچری کے بعد منفرد انداز میں جشن
یہاں یہ بات بھی قابل ذکر ہے کہ ایک باصلاحیت کھلاڑی احمد شہزاد کو پی ایس ایل 11 کی کسی بھی ٹیم نے اپنا حصہ بنانا مناسب نہیں سمجھا جس پر قومی ٹیم کے مایہ ناز سابق کھلاڑی خاصے مغموم بھی ہوئے تھے۔
