کراچی کے صنعتی علاقے سائٹ ایریا میں ایک ٹیکسٹائل فیکٹری میں لگنے والی آگ پر مکمل قابو پا لیا گیا ہے۔ چیف فائر آفیسر ہمایوں احمد کے مطابق آگ کو تیسرے درجے کی قرار دیا گیا تھا اور اسے بجھانے کے لیے فائر بریگیڈ کی 14 گاڑیاں، واٹر ٹینکرز اور اسنارکل استعمال کیے گئے۔
یہ بھی پڑھیں:کراچی کے علاقے صدر میں موبائل مارکیٹ میں آگ بھڑک اٹھی
فائر بریگیڈ نے ابتدائی طور پر فیکٹری میں موجود بوائلر کو محفوظ کیا تاکہ کسی ممکنہ دھماکے سے بڑا نقصان نہ ہو۔ فیکٹری میں کپڑا ڈائی کرنے کے کیمیکل بھی موجود تھے، جس کی وجہ سے آگ پر قابو پانا اہم تھا۔ چیف فائر آفیسر نے بتایا کہ آگ پر تقریباً 80 فیصد کنٹرول حاصل کر لیا گیا تھا اور مکمل قابو چند گھنٹوں میں ممکن ہوا۔
آئی جی سندھ نے پولیس کو ہدایت دی کہ متاثرہ فیکٹری اور اطراف کے علاقے محفوظ بنائے جائیں۔ وزیراعلیٰ سندھ نے واقعے کی رپورٹ طلب کی اور متعلقہ اداروں کو ہدایت دی کہ ریسکیو آپریشن تیز کیا جائے۔ انہوں نے صوبے بھر کی فیکٹریوں میں کیمیکلز کے ذخائر اور استعمال کا مکمل ریکارڈ مرتب کرنے کا بھی حکم دیا۔
