اسلام آباد پولیس نے جرائم پیشہ عناصر اور منظم گینگز کے خلاف کریک ڈاؤن کے دوران تھانہ سبزی منڈی اور تھانہ پھلگراں کی حدود سے راہزنی کی وارداتوں میں ملوث 2 گینگز کے 4 ارکان کو گرفتار کر لیا۔
پولیس کے مطابق ملزمان کے قبضے سے چھینے گئے 4 موٹر سائیکل، نقدی، قیمتی موبائل فونز اور وارداتوں میں استعمال ہونے والا اسلحہ بمعہ ایمونیشن برآمد کر لیا گیا۔ ملزمان نے اسلحہ کے زور پر موٹر سائیکل، نقدی اور دیگر قیمتی اشیا چھیننے کی متعدد وارداتوں کا بھی انکشاف کیا ہے۔
مزید پڑھیں: اسلام آباد پولیس کی بڑی کارروائی، بیوی کو قتل کرنے والا سفاک شوہر گرفتار
ڈی آئی جی اسلام آباد محمد جواد طارق نے کہا ہے کہ شہریوں کو ان کے قیمتی اثاثوں سے محروم کرنے والوں کے خلاف بلا امتیاز کارروائیاں جاری رکھی جائیں گی جبکہ گرفتار ملزمان کو قرار واقعی سزا دلوانے کے لیے تمام قانونی تقاضے پورے کیے جائیں گے۔ انہوں نے کہا کہ منظم اور متحرک گینگز کے خلاف بڑے پیمانے پر کارروائیاں جاری ہیں۔
