وزارتِ خارجہ پاکستان نے امریکی حکام کے اس بیان کو سختی سے مسترد کر دیا ہے جس میں پاکستان کی میزائل صلاحیتوں کو ممکنہ خطرہ قرار دیا گیا تھا، اور واضح کیا ہے کہ ملک کا دفاعی نظام مکمل طور پر اپنے تحفظ اور خطے کے امن کے لیے ہے۔
🔊PR No.7️⃣3️⃣/2️⃣0️⃣2️⃣6️⃣
Statement by the Spokesperson regarding statement made by the United States Director of National Intelligence on Pakistan’s missile capabilities pic.twitter.com/2DILEJKn9D
— Ministry of Foreign Affairs – Pakistan (@ForeignOfficePk) March 19, 2026
ترجمان دفتر خارجہ کی جانب سے جاری بیان میں کہا گیا کہ پاکستان کی اسٹریٹجک صلاحیتیں خالصتاً دفاعی نوعیت کی حامل ہیں، جن کا مقصد قومی خودمختاری کا تحفظ اور جنوبی ایشیا میں امن و استحکام کو برقرار رکھنا ہے۔ بیان کے مطابق پاکستان کا میزائل پروگرام بین البرِاعظمی حد سے کافی کم ہے اور یہ “کم از کم دفاعی صلاحیت” کے اصول پر مبنی ہے۔
ترجمان نے اس امر پر بھی زور دیا کہ 12 ہزار کلومیٹر رینج جیسے دعوے بے بنیاد ہیں اور خطے میں غیر ضروری تشویش پیدا کرنے کے مترادف ہیں۔
یہ بھی پڑھیں:امریکی انٹیلی جنس رپورٹ میں پاکستان ممکنہ خطرات کی فہرست میں شامل، میزائل صلاحیت پر تشویش کا اظہار
بیان میں مزید کہا گیا کہ پاکستان، امریکہ کے ساتھ باہمی احترام، غیر امتیازی رویے اور حقائق پر مبنی تعلقات کا خواہاں ہے۔ پاکستان نے ایک متوازن اور ذمہ دارانہ طرزِ عمل اپنانے پر زور دیا جو جنوبی ایشیا میں امن، سلامتی اور استحکام کو فروغ دے۔
ترجمان کے مطابق پاکستان خطے میں کشیدگی بڑھانے کے بجائے تعمیری سفارتی روابط کو ترجیح دیتا ہے۔
