کراچی کے مختلف علاقوں میں ایک بار پھر بارش کا سلسلہ شروع ہو گیا، جس سے موسم خوشگوار ہو گیا جبکہ مزید بارش کی پیشگوئی بھی کی گئی ہے۔
رپورٹس کے مطابق اورنگی ٹاؤن، نارتھ ناظم آباد، اولڈ سٹی ایریا، آئی آئی چندریگر روڈ، گلشن معمار، شارع فیصل، کیماڑی، لیاقت آباد، فیڈرل بی ایریا اور دیگر علاقوں میں بارش ریکارڈ کی گئی ہے۔
مزید پڑھیں: بلوچستان میں مون سون بارش کا نیا سلسلہ، پی ڈی ایم اے نے الرٹ جاری کر دیا
محکمہ موسمیات کے مطابق سب سے زیادہ بارش ایم نائن موٹر وے پر 20.5 ملی میٹر ریکارڈ کی گئی، جبکہ سرجانی ٹاؤن میں 12.6، گلشن معمار میں 7.2، جناح ٹرمینل پر 6.2، کیماڑی میں 6 اور ڈیفنس میں 5 ملی میٹر بارش ہوئی۔
Intense rain has finally started in Karachi. Prayers for the residents dealing with heavy rain on the roads. pic.twitter.com/EXnrBZU2MB
— Adnan Faheem, GPHR, SPHRi, SHRM-SCP (@AF2311) April 2, 2026
محکمہ موسمیات کا کہنا ہے کہ شہر میں آج تیز ہواؤں اور گرج چمک کے ساتھ مزید بارش جبکہ بعض مقامات پر موسلا دھار بارش کا امکان ہے، اور مطلع زیادہ تر ابر آلود رہے گا۔
کمشنر سید حسن نقوی نے شہریوں کو ہدایت کی ہے کہ وہ کسی بھی ہنگامی صورتحال میں ریسکیو ہیلپ لائن 1299 پر رابطہ کریں۔
انہوں نے بارشوں سے نمٹنے کے لیے تمام ڈپٹی کمشنرز کو الرٹ رہنے اور فیلڈ میں موجود رہنے کی ہدایت بھی کی ہے، جبکہ ان کی ہدایات پر مختلف مقامات پر ریلیف کیمپس قائم کر دیے گئے ہیں۔
لانڈھی میں بارش کے بعد کی صورتحال، کوڑے دان کا کچرا بارش کی وجہ سے باہر آکر روڈ پر بہنے لگا۔#rain #Karachi #junaidvibes #dirt pic.twitter.com/YCbpyHMDn5
— Junaid Khan ☠️ (@junaid_vibess) April 2, 2026
مزید پڑھیں: ملک بھر میں بارشوں کا نیا سلسلہ، پی ڈی ایم اے نے الرٹ جاری کر دیا
ادھر پی ڈی ایم اے نے بھی مراسلہ جاری کرتے ہوئے متعلقہ حکام کو ضروری حفاظتی اقدامات یقینی بنانے کی ہدایت کی ہے۔
محکمہ موسمیات کے مطابق مغربی ہواؤں کا سلسلہ بلوچستان کے جنوب مغربی علاقوں میں داخل ہو چکا ہے، جس کے اثرات کے باعث اسلام آباد سمیت ملک کے مختلف حصوں میں 4 اپریل تک بارش اور ژالہ باری کا امکان ہے۔
