اسلام آباد میں وزیر مملکت برائے داخلہ طلال چوہدری سے برطانیہ کے ڈائریکٹر جنرل (پولیٹیکل) ایڈورڈ لیولین نے اہم ملاقات کی، جس میں دوطرفہ تعلقات اور خطے کی مجموعی صورتحال پر تفصیلی تبادلہ خیال کیا گیا۔
مزید پڑھیں:برطانیہ کو ایران جنگ میں گھسیٹنے نہیں دینگے، برطانوی وزیر اعظم کا دو ٹوک اعلان
ملاقات میں وفاقی سیکریٹری داخلہ محمد خرم آغا، برطانوی ہائی کمشنر جین میریٹ سمیت دیگر اعلیٰ حکام بھی شریک تھے۔
دونوں ممالک کے درمیان اپسکیل پروگرام، منی لانڈرنگ، منظم جرائم اور انسدادِ دہشتگردی کے شعبوں میں تعاون بڑھانے پر اتفاق کیا گیا، جبکہ منشیات کی روک تھام اور سیکیورٹی تعاون کو مزید مؤثر بنانے پر بھی گفتگو ہوئی۔
وزیر مملکت برائے داخلہ طلال چوہدری سے برطانیہ کے ڈائریکٹر جنرل (پولیٹیکل) ایڈورڈ لیولین کی اہم ملاقات۔ ملاقات میں باہمی تعلقات، خطے کی صورتحال، انسداد دہشتگردی، منشیات کی روک تھام اور سیکیورٹی تعاون پر تفصیلی تبادلہ خیال pic.twitter.com/rVU9SUFS3z
— WE News (@WENewsPk) April 3, 2026
طلال چوہدری کا کہنا تھا کہ پاک برطانیہ تعلقات باہمی اعتماد اور مؤثر شراکت داری پر مبنی ہیں۔
مزید پڑھیں:تاجر رہنما عامر اعوان کے قتل میں منصور خان گینگ ملوث، ملزمان کو گرفتار کرلیا، طلال چوہدری
اس موقع پر ایڈورڈ لیولین نے خطے میں قیامِ امن کے لیے پاکستان کے کردار کو سراہتے ہوئے کہا کہ مشرق وسطیٰ میں کشیدگی کم کرنے کی پاکستانی کوششوں کو عالمی سطح پر تسلیم کیا جا رہا ہے۔
