پی ایس ایل 11 کے 16ویں میچ میں اسلام آباد یونائیٹڈ نے لاہور قلندرز کو یکطرفہ مقابلے کے بعد 9وکٹوں سے شکست دے دی ہے، لاہور قلندرز نے اسلام آباد یونائیٹڈ کو جیت کے لیے 101رنز کا ہدف دیا تھا جو اسلام آباد یونائیٹڈ نے 10.1اوورز میں ایک وکٹ کے نقصان پر باآسانی حاصل کرلیا۔
اسلام آباد یونائیٹڈ نے ٹاس جیت کر پہلے فیلڈنگ کا فیصلہ کیا جو درست ثابت ہوا، اسلام آباد یونائیٹڈ کے باؤلرز نے ابتدا ہی سے قلندرز کے بیٹرز کو دباؤ میں رکھا، لاہور قلندرز بیٹنگ لائن کی ناکامی کے باعث 18.3 اوورز میں 100 رنز بنا کر آؤٹ ہوگئی۔
یہ بھی پڑھیں:پی ایس ایل 11، پشاور زلمی نے حیدرآباد کنگز مین کو 4وکٹوں سے شکست دیدی
لاہور قلندرز کی جانب سے حسیب اللہ خان 19 رنز کے ساتھ نمایاں رہے جبکہ سکندر رضا نے 25 رنز بنا کر کچھ مزاحمت کی۔ آصف علی 15 رنز بناسکے، جبکہ ٹیم کے باقی کھلاڑی خاطر خواہ کارکردگی دکھانے میں ناکام رہے۔
اسلام آباد یونائیٹڈ کی جانب سے کرس گرین نے شاندار باؤلنگ کا مظاہرہ کرتے ہوئے 3 کھلاڑیوں کو آؤٹ کیا، جبکہ عماد وسیم اور شاداب خان نے 2، 2 وکٹیں حاصل کیں۔ رچرڈ گلیسن نے بھی 2 کھلاڑیوں کو پویلین کی راہ دکھائی۔
یہ بھی پڑھیں: پی ایس ایل 11: ملتان سلطانز نے راولپنڈیز کو 7 وکٹوں سے شکست دیدی
جواب میں اسلام آباد نے مقررہ ہدف 101 رنز کا تعاقب کرتے ہوئے صرف ایک وکٹ کے نقصان پر 11 اوورز میں فتح حاصل کی۔ ڈیوون کون وے نے شاندار بیٹنگ کرتے ہوئے 35 گیندوں پر 59 رنز بنائے، جس میں 7 چوکے اور 3 چھکے شامل تھے۔ محمد فائق نے 19 گیندوں پر 34 رنز بنائے، جس میں چھ چوکے شامل تھے۔
ابتدائی اوورز میں سمیر منہاس 5 رنز پر آؤٹ ہوئے، لیکن کون وے اور فائق نے شراکت قائم کر کے ٹیم کو 50 رنز کی منزل عبور کرائی اور قلندرز کے باؤلنگ اٹیک پر قابو پایا۔
