برطانیہ میں مالیاتی ریگولیٹرز اور سائبر سیکیورٹی حکام نے کمپنی اینتھروپک کے جدید مصنوعی ذہانت کے ماڈل کے ممکنہ خطرات کا فوری جائزہ لینے کے لیے مشاورت شروع کر دی ہے۔
یہ بھی پڑھیں: اے آئی ماڈلز کا حیران کن رویہ، ایک دوسرے کو بند ہونے سے بچانے لگے
برطانوی میڈیا رپورٹس کے مطابق بینک آف انگلینڈ، فنانشل کنڈکٹ اتھارٹی، اور ایچ ایم ٹریژری مل کر نیشنل سائبر سیکیورٹی سینٹر کے ساتھ اس بات کا جائزہ لے رہے ہیں کہ آیا اس نئے اے آئی ماڈل سے مالیاتی اور اہم ڈیجیٹل نظاموں کو کوئی خطرات لاحق ہو سکتے ہیں یا نہیں۔
رپورٹس کے مطابق برطانیہ کے بینکوں، انشورنس کمپنیوں اور اسٹاک ایکسچینجز کے نمائندوں کو بھی آئندہ 2 ہفتوں میں اس حوالے سے بریفنگ دی جائے گی تاکہ ممکنہ سائبر خطرات اور سسٹم کی کمزوریوں کا اندازہ لگایا جا سکے۔
مزید پڑھیے: کیا ایف آئی اے کی جدید اے آئی ٹیکنالوجی مجرموں کو پکڑنے میں مدد دے گی؟
اینتھروپک نے اپنے نئے ماڈل کو ’کلاڈ مائتھوس پریویو‘ کے نام سے متعارف کرایا ہے جس کے بارے میں کمپنی کا کہنا ہے کہ اس کی سائبر سیکیورٹی صلاحیتیں انتہائی جدید ہیں اور یہ ممکنہ طور پر عوامی تحفظ کے حوالے سے حساس نوعیت رکھتا ہے۔
کمپنی کے مطابق یہ ماڈل اب تک ہزاروں سافٹ ویئر اور ویب براؤزرز میں موجود خامیاں شناخت کر چکا ہے جس کے بعد ریگولیٹری اداروں میں اس کے تیز رفتار تجزیاتی نتائج کے اثرات پر تشویش بڑھ گئی ہے۔
مزید پڑھیں: مائیکروسافٹ کا مصنوعی ذہانت کے شعبے میں بڑا قدم، انتھروپک ٹیکنالوجی کو کوپائلٹ میں شامل کرنے کا اعلان
دوسری جانب ماہرین کا کہنا ہے کہ اگرچہ اس ماڈل کا مقصد دفاعی سائبر سیکیورٹی میں مدد دینا ہے لیکن اس کی رفتار اور صلاحیتیں مالیاتی نظام کے استحکام کے لیے نئے سوالات پیدا کر رہی ہیں اس لیے حکام صورتحال کو انتہائی سنجیدگی سے دیکھ رہے ہیں۔
