پاکستان نے متحدہ عرب امارات کا 2 ارب ڈالر قرض واپس کر دیا، اسٹیٹ بینک کی تصدیق

اتوار 19 اپریل 2026
icon-facebook icon-twitter icon-whatsapp

اسٹیٹ بینک آف پاکستان نے تصدیق کی ہے کہ پاکستان نے متحدہ عرب امارات کو 2 ارب ڈالر واپس کر دیے ہیں، جو مرکزی بینک میں محفوظ ڈپازٹ کے طور پر رکھے گئے تھے۔

اس پیش رفت سے ایک روز قبل پاکستان اور سعودی عرب کے درمیان 3 ارب ڈالر کے ڈپازٹ کی مدت میں توسیع کا معاہدہ ہوا تھا، جو اسٹیٹ بینک میں جمع ہے۔ رپورٹس کے مطابق پاکستان نے متحدہ عرب امارات کو اصل رقم کے ساتھ تقریباً 6 فیصد سود بھی ادا کیا ہے۔ اس کے علاوہ حالیہ دنوں میں پاکستان نے 1.43 ارب ڈالر بیرونی قرض بھی واپس کیا، جس میں 1.3 ارب ڈالر کا یورو بانڈ شامل ہے۔

یہ بھی پڑھیے: ملکی معیشت کے اہم اشاریے توقعات سے زیادہ تیزی سے بہتر ہوئے، گورنر اسٹیٹ بینک

وزیر خزانہ محمد اورنگزیب نے کہا ہے کہ حکومت زرِ مبادلہ کے ذخائر برقرار رکھنے کے لیے یورو بانڈ، اسلامی سکوک، دیگر ممالک سے قرض اور کمرشل فنانسنگ سمیت مختلف آپشنز پر غور کر رہی ہے۔

انہوں نے کہا کہ مشرق وسطیٰ میں جاری جنگ کے اثرات کے باعث پاکستان اسٹریٹجک پیٹرولیم ذخائر قائم کرنے اور قابلِ تجدید توانائی کی جانب تیزی سے بڑھنے پر بھی غور کر رہا ہے۔

وزیر خزانہ کے مطابق پاکستان اپنے تمام قرضوں کی ادائیگی کی صلاحیت رکھتا ہے، جبکہ ملکی زرمبادلہ ذخائر اس وقت تقریباً 2.8 ماہ کی درآمدات کے برابر ہیں۔ انہوں نے مزید کہا کہ اگر ضرورت پڑی تو آئی ایم ایف کے 7 ارب ڈالر پروگرام میں تبدیلی یا اضافی مدد پر بھی بات کی جا سکتی ہے۔ توقع ہے کہ آئی ایم ایف جلد پاکستان کے لیے تقریباً 1.3 ارب ڈالر کی نئی قسط منظور کرے گا۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

پاکستان میں اسپاٹی فائی صارفین کا طویل انتظار ختم: آڈیو بکس کا فیچر باقاعدہ متعارف، ایک لاکھ سے زائد کتب دستیاب

پاکستانی خلا باز کی خلا میں تاریخی پرواز، چین کے خلائی اسٹیشن پر پہلا غیر ملکی مہمان ہوگا

پاکستان اور سوڈان کے درمیان سفارتی و سرکاری پاسپورٹس پر ویزا ختم کرنے کا معاہدہ

حافظ نعیم الرحمان کی پریس کانفرنس کے بعد نائب وزیراعظم اسحاق ڈار کا لیاقت بلوچ سے رابطہ

سپارکو کا اہم اقدام:پاک سیٹ ایم ایم ون کے ذریعے جدید نیوی گیشن نظام متعارف

ویڈیو

اسموگ کے خاتمے کے لیے لاہور میں اینٹی اسموگ گنز کا دائرہ وسیع، لاک ڈاؤن کا کوئی منصوبہ نہیں

ترقی کے سفر میں لیہ کب شامل ہوگا؟ شہری بڑے ترقیاتی منصوبوں کے منتظر

10 روپے کا نوٹ بند ہونے سے شادیوں کی رونق اور محنت کشوں کی آمدن متاثر ہونے کا خدشہ

کالم / تجزیہ

امریکی الیکشن جو ریفرنڈم بن گیا

تحریک انصاف، جے یو آئی اور جماعت اسلامی: ایک سماجی مطالعہ

نئے صوبے کس کی اجارہ داری توڑیں گے؟