شہرِ قائد کے مرکزی شاہراہ شاہراہ فیصل پر لگائے گئے متنازع بینرز نے سوشل میڈیا پر ایک نئی بحث چھیڑ دی ہے۔ بینرز میں فاطمہ جناح اور فریال تالپور کو ’دو نظریاتی بہنیں‘ قرار دیا گیا ہے، جس پر صارفین کی جانب سے شدید ردعمل سامنے آ رہا ہے۔
شارع فیصل کراچی کے کھمبوں پہ لگے بینرز پر محترمہ فاطمہ جناح اور فریال تالپور کی تصاویر لگی ہیں جس پر درج ہے ’نظریاتی بہنیں، فاطمہ جناح سے فریال پالپور تک‘۔
شارع فیصل کراچی کے کھمبوں پہ لگے بینرز کیمطابق محترمہ فاطمہ جناح مرحومہ اور فریال تالپور صاحبہ دو نظریاتی بہنیں ہیں pic.twitter.com/ArCj90q5AT
— Faizullah Khan فیض (@FaizullahSwati) April 19, 2026
مختلف مقامات پر آویزاں ان بینرز کی تصاویر سوشل میڈیا پر وائرل ہوئیں تو صارفین نے اس پر سخت تنقید کی۔ ناقدین کا کہنا ہے کہ مادرِ ملت فاطمہ جناح کی شخصیت کو سیاسی مقاصد کے لیے استعمال کرنا مناسب نہیں۔
سوشل میڈیا صارفین نے طنزیہ انداز میں تبصرہ کرتے ہوئے کہا کہ پاکستان میں جب بھی کوئی شخصیت خود کو نمایاں کرنا چاہتی ہے تو وہ خود کو مادرِ ملت سے جوڑنے کی کوشش کرتی ہے۔ بعض صارفین نے اسے سیاسی تشہیر کا غیر سنجیدہ طریقہ قرار دیا جبکہ دیگر نے متعلقہ حکام سے ایسے بینرز ہٹانے کا مطالبہ بھی کیا۔
اکرام راعی لکھتے ہیں کہ محترمہ فاطمہ جناح کے تحریک پاکستان کے دوران بھائی کے شانہ بشانہ اور قیام پاکستان کے بعد جمہوریت کے لیے ناقابل فراموش کردار کے پیش نظر قوم نے انہیں مادرِ ملت کا لقب دیا۔ خدارا مادرِ ملت کے نام کا استحصال مت کریں۔
محترمہ فاطمہ جناحؒ کے تحریک پاکستان کے دوران بھائی کے شانہ بشانہ اور قیام پاکستان کے بعد جمہوریت کے لیے ناقابل فراموش کردار کے پیش نظر قوم نے انہیں مادرِ ملت کا لقب دیا۔ وہ ادی فریال تالپور کے لیے بھی ماں کا درجہ رکھتی ہیں۔ خدارا مادرِ ملت فاطمہ جناحؒ کے نام کا استحصال مت کریں۔… pic.twitter.com/5fLztaNS19
— اکرم راعی Akram Raee (@AkramRaee) April 19, 2026
عائشہ علی بھٹہ نے کہا کہ پاکستان میں جس عورت کا دِل کرتا ہے خود کو عظیم ثابت کرنے کے لیے مادرِ ملت فاطمہ علی جناح کی جڑواں بہن بن جاتی ہے۔ ان عظیم ہستیوں کو اپنی سیاسی دکان چمکانے کے لیے استعمال کرنا بند کریں۔
فاطمہ علی جناح اس قوم کی دیگر خواتین کی رول ماڈل ہیں ان کی جگہ کوئی دوسرا نہیں لے سکتا۔
پاکستان میں جس عورت کا دِل کرتا ہے خود کو عظیم ثابت کرنے کے لیے مادرِ ملت فاطمہ علی جناح کی جڑواں بہن بن جاتی ہے۔
کہاں اپنے بھائی محمد علی جناح کے مشن کو پایہ تکمیل تک پہنچانے کے لیے اپنی ذاتی اور پروفیشنل زندگی کی قربانی دینے والی عظیم عورت فاطمہ علی جناح، اور کہاں کرپشن کے راجہ… pic.twitter.com/hlrp4TvOrK— Ayesha Ali Bhutta (@ayeshabhutta01) April 19, 2026
فواد احمد نے لکھا کہ فریال تالپور صاحبہ کی سالگرہ کے موقع پر ’نظریاتی بہنیں‘ نامی کتاب کی تقریب رونمائی بھی ہوگی۔ ۔کتاب کے ٹائٹل کا عکس کراچی کے اہم علاقوں میں بینر کی صورت آویزاں ہے۔
فریال تالپور صاحبہ کی سالگرہ کے موقع پر "نظریاتی بہنیں" نامی کتاب کی تقریب رونمائی بھی ہوگی۔۔۔کتاب کے ٹائٹل کا عکس کراچی کے اہم علاقوں میں بینر کی صورت آویزاں ہے۔ pic.twitter.com/FAXxXDpuiS
— Fawad Ahmed (@fawadnb) April 20, 2026
