وفاقی وزیر خزانہ محمد اورنگزیب نے کہا ہے کہ پاکستان کی معیشت بتدریج بہتری اور استحکام کی سمت بڑھ رہی ہے، جبکہ حکومت غیر ملکی سرمایہ کاری میں اضافے اور مالیاتی اصلاحات کے ایجنڈے پر کام کر رہی ہے۔
انہوں نے کہا کہ پاکستان نے چار برس بعد عالمی مالیاتی منڈیوں میں کامیاب واپسی کی ہے، جہاں یوروبانڈ کے اجرا پر بین الاقوامی سرمایہ کاروں نے بھرپور اعتماد کا اظہار کیا۔ ان کے مطابق آئندہ بھی مختلف عالمی مالیاتی ذرائع سے فنڈنگ حاصل کرنے کی کوششیں جاری رہیں گی۔
یہ بھی پڑھیے: آئی ایم ایف سے اسٹاف لیول معاہدہ طے، منظوری مئی میں متوقع، وزیر خزانہ محمد اورنگزیب
وزیر خزانہ کا کہنا تھا کہ ملکی زرمبادلہ کے ذخائر کو مضبوط بنانے اور معاشی بنیادوں کو مستحکم کرنے پر خصوصی توجہ دی جا رہی ہے تاکہ پائیدار ترقی کا ہدف حاصل کیا جا سکے۔
Finance Minister, EU Ambassador Discuss Economic Cooperation and Investment Outlook
Federal Minister for Finance and Revenue, Senator Muhammad Aurangzeb, has underscored Pakistan’s steady return to macroeconomic stability and renewed engagement with international capital… pic.twitter.com/IpZtHOHdcr
— Ministry of Finance, Government of Pakistan (@Financegovpk) April 21, 2026
یہ بات انہوں نے یورپی یونین کے سفیر ریمنڈس کاروبلس سے ملاقات کے دوران کہی، جہاں دوطرفہ تجارت، سرمایہ کاری اور علاقائی صورتحال پر تفصیلی تبادلہ خیال کیا گیا۔
یہ بھی پڑھیے: اسلام آباد: پہلا پاک یورپی یونین بزنس فورم، تجارتی تعلقات سے سرمایہ کاری کی شراکت داری کی جانب پیشرفت
محمد اورنگزیب نے کہا کہ جی ایس پی پلس پاکستان اور یورپی یونین کے معاشی تعلقات میں کلیدی اہمیت رکھتا ہے، اور دونوں فریقین کے درمیان تجارتی روابط مزید مضبوط بنانے کی ضرورت ہے۔
انہوں نے پاکستان-یورپی یونین بزنس فورم میں شرکت کی دعوت بھی قبول کر لی، جہاں وہ 28 اپریل کو افتتاحی اجلاس سے خطاب کریں گے۔
