زندگی بھر لوگوں کے چہروں پر قہقہے بکھیرنے والے ہر دلعزیز معین اختر کو ان کی 15ویں برسی کے موقع پر بھرپور خراجِ عقیدت پیش کیا جا رہا ہے۔
پاکستان کے عظیم مزاح نگار، اداکار اور میزبان معین اختر کی 15ویں برسی کے موقع پر ملک بھر میں انہیں عقیدت اور محبت کے ساتھ یاد کیا جا رہا ہے۔ اپنے منفرد اندازِ مزاح، برجستہ جملوں اور لازوال کرداروں کے ذریعے انہوں نے نہ صرف پاکستان بلکہ دنیا بھر میں ایک خاص مقام بنایا۔
On this day, we remember Moin Akhtar on the 15th anniversary of his passing. With a career spanning over four decades, he brought joy, laughter, and insight to millions through his unmatched talent.
From iconic performances in Fifty Fifty to the unforgettable Loose Talk, his… pic.twitter.com/Z5WoQ2reyt
— Ministry of Foreign Affairs – Pakistan (@ForeignOfficePk) April 22, 2026
معین اختر نے اپنی فنی زندگی میں بے شمار یادگار کردار ادا کیے اور ہر عمر کے ناظرین کو مسحور رکھا۔ ان کی حاضر جوابی اور موقع کی مناسبت سے گفتگو کرنے کی صلاحیت انہیں اپنے ہم عصروں میں ممتاز بناتی تھی۔ وہ اسٹیج، ٹیلی ویژن اور بین الاقوامی پلیٹ فارمز پر یکساں مقبول رہے۔
ان کی 15ویں برسی کے موقع پر انہیں یاد کرتے ہوئے خرم اقبال نے ان کا ایک ویڈیو کلپ شیئر کیا جس میں وہ عمران خان سے گفتگو کرتے ہوئے دکھائی دیتے ہیں۔ انہوں نے عمران خان سے پوچھا کہ دفتر میں عمران خان، گھر میں عمران خان، ہوٹل میں عمران خان، ٹیلی ویژن پر عمران خان، اخبار میں عمران خان، سڑک پر عمران خان، باغوں میں عمران خان، آپ اِس عمران خان، عمران خان سے پریشان نہیں ہو گئے۔
دفتر میں عمران خان، گھر میں عمران خان، ہوٹل میں عمران خان، ٹیلیویژن پر عمران خان، اخبار میں عمران خان، سڑک پر عمران خان، باغوں میں عمران خان، آپ اِس عمران خان، عمران خان سے پریشان نہیں ہو گئے، لیجنڈ اداکار معین اختر کی آج برسی ہے، اُن کی عمران خان سے گفتگو کا ایک یادگار کلپ۔۔!! pic.twitter.com/ub1qlG3mZC
— Khurram Iqbal (@khurram143) April 22, 2026
محمد عمیر نے معین اختر کی ایک ویڈیو شیئر کی جس میں وہ کہتے ہیں کہ فلانی ٹیم، فلانی ٹیم سے ہار جائے تو ہاری ٹیم سیمی فائنل میں پہنچ جائے گی اور اسی طرح ہم فائنل میں بھی پہنچ جائیں گے، یہ جیتنا بھی کوئی جیتنا ہوا؟ صارف کا کہنا تھا کہ معین اختر 15 سال قبل وفات پاگئے تھے مگر ہماری کرکٹ ٹیم کے حالات آج بھی وہی ہیں۔
معین اختر 15 سال قبل وفات پاگئے تھے مگر ہماری کرکٹ ٹیم کے حالات آج بھی وہی ہیں pic.twitter.com/r0f14nyj9v
— Muhammad Umair (@MohUmair87) February 24, 2026
ایک ویڈیو میں وہ کہتے ہیں کہ پاکستان کے علاوہ کوئی جو بوے کہ ہم سپر پاور ہیں، بغیر بجلی، بغیر چینی، بغیر آٹا، بغیر پیٹرول، بغیر گیس، بغیر سیکیورٹی، بغیر نوکری، اس کے بغیر رہ کر دکھا دے کوئی قوم۔ یہ اعزاز صرف پاکستانی قوم کو حاصل ہے جو اس کے بغیر رہ رہے ہیں۔
پاکستان جیسی سپرپاور اس دنیا میں اور کہیں نہیں بھلا کیوں۔۔۔
سنئیے معین اختر کو pic.twitter.com/qKyDrG5I2H— Saddia Mazhar|سعدیہ مظہر (@SaddiaMazhar) March 13, 2026
ایک ویڈیو میں میزبان ان سے سوال کرتی ہیں کہ کیا انہیں اپنی زندگی میں کسی بات کا پچھتاوا ہے؟ جس پر وہ کہتے ہیں کہ زندگی خواہشات اور پچھتاوں سے بھری پڑی ہے۔ انسان کو کئی چیزوں کی خواہش ہوتی جو پوری نہیں ہوتیں، انسان بہت ناشکرا اور نامکمل ہے اور کبھی مطمئن نہیں ہوتا آپ ہمیشہ بہتر کی تلاش میں رہتے ہیں۔ لیکن مجھے کوئی پچھتاوا نہیں ہے۔ میرے پاس کچھ بھی نہیں تھا لیکن اللہ نے سب دیا۔
ایسا ہرگز نہیں ہے ، 86 سال تک جینا اور لوگوں کا پیار پانا بے غیرتی نہیں خوش قسمتی ہے ، مگر بقول لیجنڈ فنکار معین اختر ، انسان بڑا ناشکرا ہے pic.twitter.com/kiqbhSnuXu https://t.co/OA5A0yDeFl
— Moments & memories (@momentmemori) November 16, 2025
معین اختر 22 اپریل 2011 کو اپنے کروڑوں مداحوں کو سوگوار چھوڑ کر جہان فانی سے کوچ کر گئے مگر ان کے نبھائے گئے کردار آج بھی مداحوں کے دلوں میں زندہ ہیں۔ لاجواب ڈائیلاگ ڈلیوری اور ہر کردار میں حقیقت کا رنگ بھر دینے کا فن رکھنے والے معین اختر 24 دسمبر 1950 کو کراچی میں پیدا ہوئے تھے۔
ٹی وی ڈرامے ہوں یا پھر سلور سکرین معین اختر نے ہر جگہ اپنی لازوال اداکاری کے انمٹ نقوش چھوڑے ہیں۔ ڈرامہ سیریل ’روزی‘ میں وہ اپنے فن کی بلندیوں پر نظر آئے، ان کے مشہور ڈراموں میں آنگن ٹیڑھا، انتظار فرمائیے، بندر روڈ سے کیماڑی، ہاف پلیٹ اور عید ٹرین جیسے بے مثال ڈراموں شامل ہیں۔
سٹیج شوز کی بات کی جائے تو معین اختر کا ڈنکا نہ صرف پاکستان اور بھارت بلکہ دنیا بھر میں بجا، بڈھا گھر پر ہے، یس سر عید نو سر عید، بے بیا معین اختر اور بکرا قسطوں پر آپ کے یادگار سٹیج شوز ہیں۔
