پاکستان کا موسم: بیشتر علاقوں میں درجہ حرارت میں اضافہ، بعض علاقوں میں ہلکی بارش کا امکان

محکمہ موسمیات کے مطابق آئندہ بارہ گھنٹوں کے دوران ملک کے بیشتر علاقوں میں موسم مجموعی طور پر خشک جبکہ گرم رہنے کا امکان ہے۔

تاہم مغربی اور بالائی خیبر پختونخوا، گلگت بلتستان، آزاد جموں و کشمیر اور شمال مشرقی بلوچستان کے چند مقامات پر جزوی طور پر ابر آلود موسم کے ساتھ ہلکی بارش اور کہیں کہیں گرج چمک کے امکانات ظاہر کیے گئے ہیں۔

 بڑے شہروں میں صبح کے درجہ حرارت

اسلام آباد: 25 ڈگری سینٹی گریڈ، لاہور: 26 ڈگری سینٹی گریڈ، کراچی: 27 ڈگری سینٹی گریڈ، پشاور: 24 ڈگری سینٹی گریڈ، کوئٹہ: 16 ڈگری سینٹی گریڈ، گلگت: 13 ڈگری سینٹی گریڈ، مری: 12 ڈگری سینٹی گریڈ اور مظفرآباد: 18 ڈگری سینٹی گریڈ۔

 مقبوضہ جموں و کشمیر کی صورتحال

موسمیاتی پیش گوئی کے مطابق بھارت کے زیر قبضہ جموں و کشمیر کے علاقوں جموں اور لیہہ میں جزوی ابر آلود موسم جبکہ سری نگر، بارہمولہ، پلوامہ، اننت ناگ اور شوپیاں میں کہیں کہیں ہلکی بارش اور گرج چمک کا امکان ہے۔

 درجہ حرارت (صبح کے اوقات)

سری نگر: 12 ڈگری سینٹی گریڈ، اننت ناگ: 12 ڈگری سینٹی گریڈ، بارہمولہ: 12 ڈگری سینٹی گریڈ، جموں: 22 ڈگری سینٹی گریڈ، لیہہ: منفی 2 ڈگری سینٹی گریڈ، پلوامہ: 11 ڈگری سینٹی گریڈ اور شوپیاں: 11 ڈگری سینٹی گریڈ۔