معرکۂ حق کے دوران بھارتی ڈرونز کی موجودگی کے باوجود کامیاب آپریشن کرنے والے پاک فوج کے بہادر افسر کیپٹن ارباز خان خلجی نے کہا ہے کہ محاذِ جنگ پر انہیں کسی قسم کا خوف یا ڈر محسوس نہیں ہوا۔
مزید پڑھیں: امریکا ایران مذاکرات کا انعقاد پاکستان کی سفارتی کامیابی، معرکۂ حق کے بعد ملک کا وقار بلند ہوا، شرجیل میمن
کیپٹن ارباز خان خلجی کے مطابق شدید حالات کے باوجود انہوں نے فائرمشن کامیابی سے مکمل کیا اور دشمن کے ایک اہم بریگیڈ ہیڈکوارٹر کو نشانہ بنایا۔ ان کا کہنا تھا کہ پاک فوج اپنے جوانوں کو ایسے ہی کٹھن حالات اور جنگی ماحول کے لیے تربیت دیتی ہے۔
بھارتی ڈرونز کے سائے میں معرکۂ حق کا مشن کامیابی سے مکمل کرنے والے کیپٹن ارباز خان خلجی نے کہا کہ ’نصرٌ من اللہ و فتحٌ قریب‘ کے قومی موٹو پر ان کا ایمان پہلے سے کہیں زیادہ پختہ ہو چکا ہے اور وہ ہر وقت ملک کے دفاع کے لیے تیار ہیں۔@AmirSaeedAbbasi @Hussainch242 @awaisReporter pic.twitter.com/NWAns4jdWi
— Media Talk (@mediatalk922) April 23, 2026
انہوں نے کہا کہ معرکۂ حق کے بعد ان کا جذبہ پہلے سے زیادہ مضبوط اور جوان ہو گیا ہے، جبکہ ان کے عزم اور ولولے میں مزید اضافہ ہوا ہے۔
مزید پڑھیں: یوم آزادی معرکۂ حق، شہداء کے اہلِخانہ کا وطن کے نام پیغام
کیپٹن ارباز خان خلجی نے کہا کہ ’نصرٌ من اللہ و فتحٌ قریب‘ کے قومی موٹو پر ان کا ایمان پہلے سے کہیں زیادہ پختہ ہو چکا ہے اور وہ ہر وقت ملک کے دفاع کے لیے تیار ہیں۔
