وفاقی وزیر داخلہ محسن نقوی نے سماجی رابطے کی ویب سائٹ ایکس پر فیڈرل انویسٹیگیشن ایجنسی (ایف آئی اے) کا اشتہار شیئر کرتے ہوئے نوجوانوں کو ملک کی خدمت کے لیے ادارے میں شمولیت کی دعوت دی ہے۔
اپنے پیغام میں انہوں نے کہا کہ امیدواروں کے لیے درخواست جمع کرانے کی آخری تاریخ میں صرف 11 دن باقی رہ گئے ہیں لہٰذا اہل افراد اس سنہری موقع سے فائدہ اٹھائیں۔
یہ بھی پڑھیں: وزیرداخلہ محسن نقوی سے امریکی سفیر نیٹلی بیکر کی ملاقات، مذاکرات کے دوسرے راؤنڈ پر تبادلہ خیال
انہوں نے واضح کیا کہ بھرتی کے عمل میں صرف میرٹ کو بنیادی معیار قرار دیا جائے گا اور کسی بھی قسم کی سفارش، دباؤ یا اثر و رسوخ استعمال کرنے کی کوشش کرنے والے امیدواروں کو فوری طور پر نااہل قرار دیا جائے گا۔ آخر میں انہوں نے کہا کہ پاکستان کی خدمت عزت اور وقار کے ساتھ کریں۔
سوشل میڈیا پر اس اعلان کے بعد مختلف آرا سامنے آ رہی ہیں۔ کچھ صارفین نے ادارے میں شمولیت کے عمل اور شفافیت پر سوالات اٹھائے ہیں جبکہ بعض کا کہنا ہے کہ ملک میں بیروزگاری اور مواقع کی کمی کے باعث نوجوان طبقہ پہلے ہی مشکلات کا شکار ہے اور اس کی چالان فیس زیادہ ہے۔
ایک صارف نے تبصرہ کرتے ہوئے کہا کہ کوئی بھی فیڈرل انویسٹیگیشن ایجنسی (ایف آئی اے) میں شامل ہونا نہیں چاہتا اسی لیے اب محسن نقوی خود پوسٹ کر رہے ہیں۔ انہوں نے مزید کہا کہ خاص طور پر سعد الرحمان (ڈکی بھائی) کے ساتھ نیشنل سائبر کرائم انویسٹیگیشن ایجنسی (این سی سی آئی اے) کی حراست میں جو کچھ ہوا اس کے بعد؟
No one wants to join FIA that’s is why naqvi is now posting himself 😏
Itna badnaam institution kaun join karay especially after what happened to Saad ur Rehman in custody of NCCIA https://t.co/KACZZQMEgN— Faujeet 🇵🇰 (@CtrlAltSecured) April 23, 2026
محمد نعمان لکھتے ہیں کہ اس ملک میں اکثریت بیروزگار پڑھے لکھے غریب نوجوانوں کی ہے وہ 2000 کا چلان بھی بھریں خوار بھی ہوں اور چنتخب وہ لوگ ہوں جنکی سفارش بڑی ہوگی یا جو من پسند ہوں گے یا رشوت دیں گے۔ اس سے بہتر ہے ڈائریکٹ اپنے من پسند لوگ بھرتی کرلیں یا ان لوگوں کو 2000 واپس کردیا کریں۔
معزرت لیکن اکثریت اس ملک میں بیروزگار پڑھے لکھے غریب نوجوانوں کی ہے وہ 2000 کا چلان بھی بھریں خوار بھی ہوں اور چنتخب وہ لوگ ہوں جنکی سفارش بڑی ہوگی یا جو من پسند ہونگے یا کچھ لے دے کے
اس سے بہتر ہے ڈائرکٹ اپنے من پسند لوگ بھرتی کرلیں یا ان لوگوں کو 2000 واپس کردیا کریں۔
— محمد نعمان القرشي 🦅 (@DesertEagle021) April 23, 2026
میاں عمران نے کہا کہ کاش پاکستانی محکموں میں میرٹ اور اہلیت ہی ترقی کا معیار ہو تو ہم بہت جلد ترقی پذیر سے ترقی یافتہ ملکوں کی لسٹ میں شامل ہوجائیں۔ بدقسمتی سے جس کے پاس اختیار ایک امانت ہوتا ہے وہ اس میں بھرپور خیانت کرتا ہے اقرباء پروری اختیارات کا ناجائز استعمال اپنا حق سمجھتا ہے۔
کاش پاکستانی محکموں میں میرٹ اور اہلیت ہی ترقی کا معیار ہو تو ہم بہت جلد ترقی پذیر سے ترقی یافتہ ملکوں کی لسٹ میں شامل ہوجائیں بدقسمتی سے جسکے پاس اختیار ایک امانت ہوتا ہے وہ اس میں بھرپور خیانت کرتا ہے اقرباء پروری اختیارات کا ناجائز استعمال اپنا حق سمجھتا ہے https://t.co/uaif0C9afU
— Mian Imran (@imwasim19) April 23, 2026
ایک سوشل یڈیا صارف کا کہنا تھا کہ حکومت نے ٹیکس وصولی کا ایک نیا طریقہ متعارف کرایا ہے جس کی صورت میں اسے ملازمت کی درخواست فیس کے طور پر لیا جا رہا ہے۔ اسے کم سے کم ہونا چاہیے تاکہ ہر دلچسپی رکھنے والا امیدوار درخواست دے سکے۔
Gov introduced a new way of tax collection in the form of a job application fee, it should be minimal so every interested candidate could apply. https://t.co/pHM2xRAJFQ
— Miraj 👤 (@M_Miraj_Khalid) April 23, 2026
کئی صارفین نے محسن نقوی سے چالان فیس کم کرنے کا مطالبہ کیا۔
