نائب وزیراعظم و وزیرخارجہ اسحاق ڈار نے کہا ہے کہ کہ شنگھائی تعاون تنظیم کی سربراہی پاکستان کے لیے ایک اہم سنگِ میل ثابت ہوگی۔
یہ بھی پڑھیں: پاکستان میں ایس سی او سربراہی کانفرنس 2027 کی تیاریوں کا آغاز، اسحاق ڈار کی اہم ہدایات
نائب وزیراعظم اور وزیرِ خارجہ اسحاق ڈار نے ایک اعلیٰ سطح کے اجلاس کی صدارت کی ہے جس میں 27-2026 کے لیے شنگھائی تعاون تنظیم (ایس سی او) کی کونسل آف ہیڈز آف اسٹیٹ کی سربراہی سنبھالنے کے حوالے سے پاکستان کی تیاریوں کا تفصیلی جائزہ لیا گیا۔
اجلاس کے دوران اسحاق ڈار نے پاکستان کے علاقائی سطح پر ایک اہم ملک ہونے کے کردار پر زور دیتے ہوئے کہا کہ پاکستان ایس سی او فریم ورک کو انتہائی اہمیت دیتا ہے اور علاقائی تعاون کو مزید مستحکم کرنے کے لیے پرعزم ہے۔
DPM Ishaq Dar chairs a high-level meeting to review Pakistan’s preparations for assuming the chairmanship of the Shanghai Cooperation Organisation Council of Heads of State for 2026–27. Emphasising Pakistan’s role as an important regional player, DPM Dar says the country attaches… pic.twitter.com/HdJ3ZXonHE
— Pakistan TV (@PakTVGlobal) May 7, 2026
نائب وزیراعظم کا کہنا تھا کہ پاکستان خطے میں رابطوں کے فروغ، معاشی استحکام اور کثیر الجہتی روابط کو مضبوط بنانے کے لیے اپنی کوششیں جاری رکھے ہوئے ہے۔
انہوں نے مزید واضح کیا کہ شنگھائی تعاون تنظیم کی سربراہی پاکستان کے لیے ایک اہم سنگِ میل ثابت ہوگی، جس کے ذریعے رکن ممالک کے درمیان باہمی تعاون اور علاقائی سلامتی کے اہداف کو حاصل کرنے میں مدد ملے گی۔
یہ بھی پڑھیں: معرکۂ حق کا پہلا سال: پاکستان امن کا خواہاں مگر خودمختاری پر سمجھوتا نہیں کرے گا، اسحاق ڈار
اجلاس میں متعلقہ حکام کو ہدایت کی گئی کہ اس اہم ذمہ داری کو موثر انداز میں نبھانے کے لیے تمام ضروری انتظامات وقت سے پہلے مکمل کیے جائیں تاکہ عالمی سطح پر پاکستان کے مثبت تشخص کو اجاگر کیا جاسکے۔
