حکومتِ پنجاب نے صوبے بھر کے سرکاری و نجی تعلیمی اداروں میں گرمیوں کی تعطیلات کا اعلان کر دیا ہے۔ وزیرِ تعلیم پنجاب رانا سکندر حیات کے مطابق تعطیلات کا آغاز 22 مئی بروز جمعہ سے ہوگا، جبکہ اسکول 24 اگست کو دوبارہ کھولے جائیں گے۔
وزیرِ تعلیم نے بتایا کہ شدید گرمی اور موسم کی صورتحال کے پیشِ نظر طلبہ اور اساتذہ کی سہولت کو مدِنظر رکھتے ہوئے تین ماہ سے زائد تعطیلات دینے کا فیصلہ کیا گیا ہے۔
انہوں نے کہا کہ تعطیلات کے دوران تعلیمی سرگرمیوں سے متعلق مزید ہدایات بھی جاری کی جائیں گی تاکہ طلبہ کی پڑھائی کا تسلسل برقرار رکھا جا سکے۔
