ویٹیکن نیوز کی نئی دستاویزی فلم لیونے اے روما کے ایک کلپ نے سوشل میڈیا پر نئی بحث چھیڑ دی ہے، جس میں پوپ لیو 14 روایتی جبے کے نیچے سفید نائیکی اسنیکرز پہنے ہوئے نظر آرہے ہیں۔
یہ بھی پڑھیں: کیا آپ بینک کے کسٹمر سروس نمائندے سے تنگ ہیں؟ پوپ لیو بھی اس صورتحال سے نہ بچ سکے
یہ دستاویزی فلم پوپ لیو کے انتخاب کی پہلی سالگرہ کے موقع پر ریلیز کی گئی ہے، جو ان کی روم میں گزاری گئی زندگی کی عکاسی کرتی ہے۔
سوشل میڈیا پر صارفین نے اس مختصر منظر کو فوری طور پر نوٹ کیا اور پوپ کے جوتوں پر دلچسپ تبصروں اور میمز کا سلسلہ شروع ہو گیا۔
Pope Leo XIV, originally from Chicago, wearing Nikes in the trailer for the "Leone a Roma" Trailer by Vatican News (2026)
📸 IG: durangoism pic.twitter.com/18pGtZzpRi
— KicksFinder (@KicksFinder) May 7, 2026
جہاں کچھ صارفین نے اسے پوپ کا ’سویگ‘ قرار دیا تو بعض نے تنقید کرتے ہوئے کہا کہ برانڈڈ اشیا کا استعمال روحانیت کے منافی اور مادیت پرستی کی علامت ہے۔
یہ بھی پڑھیں: پوپ لیو اور امریکی وزیرخارجہ میں تحائف کا تبادلہ، امن اور تعلقات بہتر بنانے کی کوشش
واضح رہے کہ روایتی طور پر پوپ سرخ چمڑے کے جوتے پہنتے ہیں جو کہ لہو کی علامت سمجھے جاتے ہیں، تاہم پوپ لیو نے روایتی حدود سے ہٹ کر اسنیکرز کو ترجیح دی ہے۔
ایک صارف نے مزاحیہ انداز میں تبصرہ کیا کہ ’آپ بچے کو شکاگو سے تو نکال سکتے ہیں لیکن بچے کے اندر سے نائیکی نہیں نکال سکتے۔‘
