امریکی صدر ڈونلڈ ٹرمپ اور چینی صدر شی جن پنگ کے درمیان جمعرات کو بیجنگ میں ہونے والی اہم ملاقات عالمی سیاست کا مرکز بنی رہی۔
ایران جنگ، یوکرین تنازع اور اقتصادی تعاون سمیت کئی اہم امور پر تبادلہ خیال اپنی جگہ لیکن باضابطہ مذاکرات سے ہٹ کر بھی اس سربراہی ملاقات کے کئی دلچسپ پہلو توجہ کا مرکز بنے رہے۔
دوستی کا ذکر، مگر محتاط انداز
بیجنگ کے عظیم الشان گریٹ ہال آف دی پیپل میں ملاقات کے آغاز پرصدرٹرمپ نے شی جن پنگ کی کھل کر تعریف کرتے ہوئے ان کا دوست ہونا اپنے لیے اعزاز قراردیا۔
ٹرمپ نے پرانے تعلقات کا ذکر کرتے ہوئے کہا کہ دونوں رہنما مشکل اوقات میں بھی رابطے میں رہے اور اختلافات کو بات چیت سے حل کرتے رہے۔
ان کے بقول، میں آپ کو فون کرتا تھا اور آپ مجھے فون کرتے تھے۔
شی جن پنگ نے اگرچہ خوشگوار تعلقات کا اشارہ دیا، تاہم انہوں نے ٹرمپ کے لیے ‘ذاتی دوست’ کی اصطلاح استعمال کرنے سے گریز کیا۔
چینی صدر نے صرف اتنا کہا کہ امریکا اور چین کو حریف نہیں بلکہ شراکت دار ہونا چاہیے۔
دلچسپ امر یہ ہے کہ شی جن پنگ ماضی میں روسی صدر ولادیمیر پیوٹن کو اپنا بہترین دوست قرار دے چکے ہیں، جبکہ وہ شمالی کوریا، پاکستان اور فرانس سمیت کئی ممالک کے ساتھ دوستی کی اصطلاح استعمال کرتے رہے ہیں۔
!پرجوش معانقہ نہیں، صرف مصافحہ
ٹرمپ نے چند ہفتے قبل سوشل میڈیا پر پیش گوئی کی تھی کہ شی جن پنگ بیجنگ پہنچنے پر انہیں گرمجوشی سے گلے لگائیں گے۔
یہ انداز ٹرمپ کی روایتی، پرجوش اور غیر رسمی سفارت کاری کی عکاسی کرتا تھا، جو شی جن پنگ کی محتاط اور سنجیدہ شخصیت سے بالکل مختلف سمجھی جاتی ہے۔
🚨⚡️ HANDSHAKE WAR:
Trump tried his signature move to seize control, but Xi stood like a fortress, forcing a desperate double-hand pivot. pic.twitter.com/CNxq82VA8n
— RussiaNews 🇷🇺 (@mog_russEN) May 14, 2026
تاہم جمعرات کی صبح امریکی صدر کو متوقع گرمجوش معانقے کے بجائے صرف ایک مضبوط مصافحہ نصیب ہوا۔
دونوں رہنماؤں کا مصافحہ 10 سیکنڈ سے زیادہ جاری رہا، جبکہ ٹرمپ نے دورانِ مصافحہ شی جن پنگ کے بازو پر 2 مرتبہ ہاتھ بھی رکھا۔
تھیوسیڈائڈز ٹریپ کا حوالہ
شی جن پنگ اکثر عالمی رہنماؤں سے ملاقاتوں میں قدیم چینی اقوال اور شاعری کا حوالہ دیتے ہیں، مگر اس مرتبہ انہوں نے قدیم یونانی تاریخ سے جڑی ایک سیاسی اصطلاح ‘تھیوسیڈائڈز ٹریپ’ کا ذکر کیا۔
یہ اصطلاح اس تصور کی نمائندگی کرتی ہے کہ جب کوئی ابھرتی ہوئی طاقت کسی قائم عالمی طاقت کو چیلنج کرتی ہے تو جنگ کے امکانات بڑھ جاتے ہیں۔
China vs US & Sparta vs Athens from 400BCE: What is Thucydides Trap & why did President Xi Jinping mention it now? We explain here 👇@qureshik74 pic.twitter.com/RW3cNbzDYf
— Fahd Husain (@Fahdhusain) May 15, 2026
شی جن پنگ نے سوال اٹھایا کہ کیا چین اور امریکا نام نہاد ‘تھیوسیڈائڈز ٹریپ’ سے نکل کر بڑی طاقتوں کے تعلقات کا نیا ماڈل تشکیل دے سکتے ہیں، ان کے مطابق، اس سوال کا جواب دونوں رہنماؤں کو مل کر لکھنا ہوگا۔
اس سے قبل 2024 میں سابق امریکی صدر جوبائیڈن سے ملاقات کے دوران بھی شی جن پنگ کہہ چکے ہیں کہ یہ تاریخی طورپرناگزیرنہیں۔
صحافیوں اور سیکیورٹی اہلکاروں میں تلخی
ملاقات کے موقع پر امریکی میڈیا نمائندوں اور چینی سیکیورٹی اہلکاروں کے درمیان بھی کشیدگی دیکھنے میں آئی۔
گریٹ ہال آف دی پیپل میں صحافی تصاویر اور ویڈیوز بنانے کے لیے ایک دوسرے پر سبقت لے جانے کی کوشش کرتے رہے۔
جبکہ پس منظر میں چینی اہلکار میڈیا نمائندوں کو پیچھے ہٹنے کی ہدایات دیتے سنائی دیے۔
INTENSE FIGHT BREAKS OUT BETWEEN US MEDIA AND CHINESE SECURITY OFFICERS 👀 pic.twitter.com/0I22nIb3K5
— Matt Wallace (@MattWallace888) May 14, 2026
بعد ازاں تاریخی ٹیمپل آف ہیون کے دورے کے دوران امریکی صحافیوں کو تقریباً آدھے گھنٹے تک داخلے میں تاخیر کا سامنا کرنا پڑا۔
کیونکہ چینی سیکیورٹی نے ابتدائی طور پر امریکی خفیہ ادارے کے ایک اہلکار کو اسلحے سمیت اندر آنے کی اجازت نہیں دی۔
صورتحال اس وقت مزید کشیدہ ہوگئی جب امریکی عملے اور صحافیوں کو صدارتی قافلے تک پہنچنے سے بھی روک دیا گیا۔
بعد میں اجازت ملنے پر ایک امریکی اہلکار کو چینی عملے سے یہ کہتے سنا گیا کہ آپ لوگ بہت خراب میزبان ثابت ہوئے ہیں۔
میمز، فرائیڈ چکن اور ایلون مسک
بیجنگ میں ہونے والی اس ملاقات نے چینی سوشل میڈیا پر بھی ہلچل مچا دی۔
متعدد صارفین نے ٹرمپ کے دورے کو چین میں مقبول ‘کریزی تھرس ڈے’ مہم سے جوڑ دیا، جو فاسٹ فوڈ کمپنی کے ایف سی کی جانب سے ہر جمعرات خصوصی رعایتوں کی پیشکش سے متعلق ہے۔
Apparently, Trump and his entourage are in China right now just for KFC’s Crazy Thursday. https://t.co/g8HNxtNpx7 pic.twitter.com/FZBH15WQw0
— Yves Yang (@SelfBystander) May 14, 2026
کئی صارفین نے مصنوعی ذہانت کے ذریعے ٹرمپ کی فرائیڈ چکن کھاتے ہوئے مزاحیہ تصاویر اور میمز بھی بنائیں۔
دورے سے متعلق مختلف ہیش ٹیگز چینی سوشل میڈیا پلیٹ فارم ویبو پر ٹرینڈ کرتے رہے۔ ٹیمپل آف ہیون کے دورے سے متعلق ایک ہیش ٹیگ نے چند گھنٹوں میں تقریباً 98 ملین ویوز حاصل کیے۔
امریکی کاروباری وفد میں شامل ایلون مسک اور جینسن ہوانگ بھی چینی صارفین کی خصوصی توجہ کا مرکز بنے رہے۔
JUST IN: 🇺🇸🇨🇳 Elon Musk says his son 'X' is learning to speak Mandarin as he is seen on trip with him in China. pic.twitter.com/GgUu7weugG
— Remarks (@remarks) May 14, 2026
خاص طور پر ایلون مسک کی وہ ویڈیوز وائرل ہوئیں جن میں وہ گریٹ ہال آف دی پیپل کی سیڑھیوں پر کھڑے اپنے موبائل فون سے مناظر ریکارڈ کرتے دکھائی دیے۔
ایک صارف نے تبصرہ کیا، یہ منظر امریکا میں کہیں نہیں مل سکتا، جبکہ ایک اور نے طنزیہ انداز میں لکھا، ایسا لگ رہا ہے جیسے کسی نے پہلی بار دنیا دیکھی ہو۔
