بالی ووڈ اداکارہ تبو نے فلم انڈسٹری میں خواتین کے ساتھ عمر کی بنیاد پر ہونے والے امتیازی سلوک پر کھل کر بات کرتے ہوئے کہا ہے کہ معاشرتی رویے اکثر اداکاراؤں پر غیر ضروری دباؤ ڈالتے ہیں کہ وہ ہمیشہ جوان نظر آئیں۔
اداکارہ نے ایک انٹرویو میں کہا کہ لوگوں کو خواتین کی عمر کے بارے میں خود خواتین سے زیادہ تشویش ہوتی ہے۔ ان کے مطابق لوگ آپ کی عمر کے بارے میں آپ سے زیادہ فکر مند ہوتے ہیں۔ وہ آپ کو آئینہ دکھانا چاہتے ہیں جیسے آپ کے پاس گھر میں آئینہ موجود نہ ہو۔
یہ بھی پڑھیں: بالی ووڈ فلم ’دادی کی شادی‘ پاکستانی ٹیلی فلم کی کاپی ہے، سوشل میڈیا پر سنگین الزامات
تبو نے مزید کہا کہ عمر بڑھنا ایک مسلسل اور فطری عمل ہے جسے ہر انسان روزانہ کی بنیاد پر محسوس کرتا ہے نہ کہ اچانک کسی ایک عمر سے دوسری عمر میں منتقل ہونے کا عمل۔ انہوں نے کہا کہ ہم ہر دن اس عمل سے گزرتے ہیں۔ ایسا نہیں ہے کہ کوئی ایک دن 20 سال کا ہو اور اگلے دن 45 سال کا ہو جائے۔
اداکارہ نے پیشہ ورانہ فیصلوں سے متعلق گفتگو کرتے ہوئے واضح کیا کہ وہ غیر ضروری مروّت کے بجائے صاف گوئی کو ترجیح دیتی ہیں۔ ان کے مطابق اگر انہیں کوئی اسکرپٹ پسند نہ آئے تو وہ واضح طور پر انکار کر دیتی ہیں۔
ان کا کہنا تھا کہ اگر مجھے اسکرپٹ پسند نہیں آتا تو میں صاف کہہ دیتی ہوں۔ میں اس ڈپلومیسی کو سمجھتی نہیں۔
