وزیراعلیٰ پنجاب مریم نواز شریف سرکاری دورے پر آذربائیجان پہنچ گئیں جہاں انہوں نے باکو میں منعقدہ بین الاقوامی ’ورلڈ اربن فورم‘ میں شرکت کی۔
مزید پڑھیں:وزیراعلیٰ پنجاب مریم نواز شریف سے ارکانِ اسمبلی کی ملاقات، ترقیاتی منصوبوں پر اطمینان کا اظہار
فورم میں آمد پر آذربائیجان کے صدر الہام علیوف نے وزیراعلیٰ مریم نواز شریف کا پرتپاک استقبال کیا۔ مریم نواز شریف آذربائیجان کے صدر کی خصوصی ریاستی مہمان ہیں، جبکہ اس موقع پر دونوں رہنماؤں کی گروپ فوٹو بھی بنائی گئی۔
وزیراعلیٰ مریم نواز شریف باکو اولمپک اسٹیڈیم میں ہونے والی ورلڈ لیڈرز سمٹ سے کلیدی خطاب کریں گی، جس میں وہ پنجاب حکومت کے فلیگ شپ ہاؤسنگ پروگرام ’اپنی چھت، اپنا گھر‘ کو عالمی سطح پر پیش کریں گی۔
مزید پڑھیں:وزیراعلیٰ پنجاب مریم نواز شریف نے صوبے میں کون سی نئی اصلاحات متعارف کرانے کا فیصلہ کیا؟
پنجاب حکومت کا کم لاگت ہاؤسنگ ماڈل پاکستان پویلین میں بین الاقوامی مندوبین کے سامنے بطور کامیاب کیس اسٹڈی بھی پیش کیا جائے گا، جس کا مقصد شہری ترقی اور عوامی رہائش کے شعبے میں پنجاب کے اقدامات کو عالمی سطح پر اجاگر کرنا ہے۔
