نائب وزیراعظم و وزیر خارجہ اسحاق ڈار نے کہا ہے کہ سی پیک کے دوسرے مرحلے پر باقاعدہ کام شروع ہو چکا ہے۔
مزید پڑھیں: پاک چین دوستی کے 75 سال مکمل، سی پیک تعاون سے معیشت اور ترقی کے نئے در وا
سینیٹ اجلاس سے خطاب کرتے ہوئے انہوں نے کہاکہ چین پاکستان اقتصادی راہداری، بیلٹ اینڈ روڈ انیشی ایٹو کا اہم ترین منصوبہ ہے اور پاکستان میں اس کے دوسرے مرحلے کا آغاز کردیا گیا ہے۔
نائب وزیراعظم کا کہنا تھا کہ پاکستان ون چائنا پالیسی کی مکمل حمایت جاری رکھے ہوئے ہے، جبکہ چین بھی ہمیشہ پاکستان کی خودمختاری کے حق میں کھڑا رہا ہے۔
انہوں نے مزید کہاکہ وزیراعظم شہباز شریف 23 سے 26 مئی تک چین کا سرکاری دورہ کریں گے، جہاں دونوں ممالک کے سفارتی تعلقات کے 75 برس مکمل ہونے کی تقریبات منعقد ہوں گی۔
مزید پڑھیں: اسحاق ڈار کا دورہ چین، خطے میں امن اور سی پیک 2.0 پر اہم بات چیت
انہوں نے کہاکہ اس موقع پر وزیراعظم کی چینی صدر شی جن پنگ سے بھی ملاقات متوقع ہے۔
