ترجمان اسلام آباد پولیس کے مطابق چیف ٹریفک آفیسر محمد سرفراز ورک کی زیرِ صدارت ٹریفک پلان سے متعلق جائزہ اجلاس منعقد ہوا، جس میں ایس پی ٹریفک اور تمام زونل افسران نے شرکت کی۔
مزید پڑھیں: اسلام آباد پولیس کا عیدالاضحیٰ کے لیے سخت سیکیورٹی پلان جاری
اجلاس میں مساجد، پارکوں، عوامی مقامات، مارکیٹس اور مویشی منڈیوں کے اطراف کیے گئے ٹریفک انتظامات کا تفصیلی جائزہ لیا گیا۔
چیف ٹریفک آفیسر نے ہدایت کی کہ وفاقی دارالحکومت میں مؤثر ٹریفک مینجمنٹ کے لیے سیف سٹی کیمروں سے بھی بھرپور مدد لی جائے گی، جبکہ زونل افسران عید کی چھٹیوں کے دوران فیلڈ میں موجود رہیں گے۔
چیف ٹریفک آفیسر محمد سرفراز ورک کی زیرِ صدارت ٹریفک پلان کے متعلق جائزہ اجلاس۔ مساجد، پارکوں، دیگر عوامی مقامات، مارکیٹس، مویشی منڈیوں پر کئے گئے ٹریفک انتظامات کا جائزہ۔دارالحکومت میں موثر ٹریفک انتظامات کے لئے سیف سٹی کیمروں سے بھی مدد لی جائے گی۔چیف ٹریفک آفیسر @KulAalam pic.twitter.com/mV8zZpJZ29
— Media Talk (@mediatalk922) May 26, 2026
محمد سرفراز ورک نے کہا کہ شہریوں کے محفوظ سفر کو یقینی بنانے کے لیے تمام ڈیوٹی پوائنٹس پر مؤثر ٹریفک مینجمنٹ ہر صورت یقینی بنائی جائے۔
مزید پڑھیں: اسلام آباد پولیس کی بڑی کارروائی، 2 منشیات فروش گرفتار
انہوں نے واضح کیا کہ ون ویلنگ، ہلڑ بازی اور خطرناک ڈرائیونگ کسی صورت برداشت نہیں کی جائے گی اور ایسے عناصر کے خلاف سخت کارروائی عمل میں لائی جائے گی۔
