پاکستان کے نائب وزیراعظم اور وزیر خارجہ اسحاق ڈار جمعہ کو واشنگٹن پہنچ گئے، جہاں وہ امریکی وزیر خارجہ مارکو روبیو سے ملاقات کریں گے۔ دفتر خارجہ کے مطابق ملاقات میں پاک امریکا تعلقات، خطے کی صورتحال اور عالمی امور پر تبادلہ خیال کیا جائے گا۔
مزید پڑھیں: وزیر خارجہ اسحاق ڈار سے کینیڈین ہائی کمشنر کی ملاقات، علاقائی امن کے لیے پاکستانی کوششوں کی تعریف
دفتر خارجہ نے کہا ہے کہ مذاکرات میں باہمی تعاون کے اہم شعبوں، علاقائی امن اور سفارت کاری کے ذریعے استحکام کے فروغ پر بھی بات ہوگی۔ واشنگٹن آمد پر امریکا میں پاکستان کے سفیر اور سفارتی حکام نے ان کا استقبال کیا۔
Deputy Prime Minister / Foreign Minister Senator Mohammad Ishaq Dar @MIshaqDar50 arrived in Washington, D.C. on an official visit.
Upon his arrival, he was received by Pakistan’s Ambassador to the United States, Ambassador Rizwan Saeed Sheikh, along with senior officials of the… pic.twitter.com/6qYOZ8oi8i
— Ministry of Foreign Affairs – Pakistan (@ForeignOfficePk) May 29, 2026
یہ دورہ ایسے وقت میں ہو رہا ہے جب امریکا اور ایران کے درمیان جنگ بندی میں توسیع کے لیے مذاکرات جاری ہیں۔ امریکی نائب صدر کے مطابق دونوں فریق معاہدے کے قریب ہیں، تاہم حتمی اتفاق ابھی باقی ہے۔
مزید پڑھیں: اسلام آباد مذاکرات: غیر مصدقہ خبروں سے گریز کیا جائے، وزیر خارجہ اسحاق ڈار
میڈیا رپورٹس کے مطابق مجوزہ معاہدے میں آبنائے ہرمز میں آزاد جہاز رانی، ایران کی جانب سے بارودی سرنگوں کا خاتمہ اور امریکا کی بحری ناکہ بندی ختم کرنے جیسے نکات شامل ہیں، تاہم ایرانی حکام کا کہنا ہے کہ کسی بھی حتمی معاہدے کا اعلان صرف تہران کی جانب سے کیا جائے گا۔
