لندن کے میئر صادق خان نے فریضۂ حج کی ادائیگی کے بعد مکہ مکرمہ سے عیدالاضحیٰ کا خصوصی پیغام جاری کرتے ہوئے دنیا بھر کے مسلمانوں کو مبارکباد دی ہے۔ اپنے پیغام میں انہوں نے حج کے روحانی ماحول، اتحادِ امت اور امن و بھائی چارے کی اہمیت پر زور دیا۔
یہ بھی پڑھیں:سعید انور اور وسیم اکرم کی حج کے دوران تصاویر سوشل میڈیا کی توجہ کا مرکز بن گئیں
صادق خان نے کہا کہ حج مسلمانوں کے لیے نہ صرف ایک عظیم عبادت ہے بلکہ یہ مساوات، قربانی اور انسانیت کے جذبے کو بھی اجاگر کرتا ہے۔ انہوں نے مکہ مکرمہ سے جاری اپنے ویڈیو پیغام میں دعا کی کہ عیدالاضحیٰ پوری دنیا کے لیے امن، خوشحالی اور محبت کا پیغام لے کر آئے۔
یہ بھی پڑھیں:برازیل کی معروف فٹبالر نے اسلام قبول کرلیا، عمرے کی ویڈیو بھی شیئر کردی
لندن کے میئر نے اس موقع پر مختلف ممالک سے آئے لاکھوں عازمینِ حج کے اجتماع کو امتِ مسلمہ کے اتحاد کی خوبصورت مثال قرار دیا اور کہا کہ حج کے دوران ملنے والی روحانی کیفیت ان کے لیے ہمیشہ یادگار رہے گی۔
