آزاد کشمیر میں ایک ٹریفک حادثے کے نتیجے میں کم از کم 7 افراد جاں بحق ہوگئے۔
یہ بھی پڑھیں: آزاد کشمیر: ہٹیاں بالا میں جنگلی سوروں کا حملہ، ایک شخص جاں بحق، دوسرا شدید زخمی
میڈیا رپورٹس کے مطابق ریسکیو حکام نے بتایا کہ یہ حادثہ جمعرات کی شام حویلی کہوٹہ کے علاقے خورشید آباد میں س وقت پیش آیا جب سیاحوں کو لے جانے والا ایک لوڈر رکشہ تفریحی سفر سے واپسی کے دوران مانا موڑ کے مقام پر بے قابو ہو کر گہری کھائی میں جا گرا۔
اِنَّا لِلّٰہِ وَاِنَّا اِلَیْہِ رَاجِعُوْن۔
خورشید آباد رکشہ حادثے میں شہداء کی تعداد 7 ہو گئی ہے۔ اللہ تعالیٰ جاں بحق ہونے والوں کی مغفرت اور زخمیوں کو جلد صحت یابی عطا فرمائے۔ آمین۔#KhursheedAbad #TragicIncident #Condolences pic.twitter.com/vXcSAPDPtn— Barak Allah Swati (@BarakAllah21270) May 29, 2026
حادثے میں ڈرائیور سمیت 2 افراد موقعے پر ہی جاں بحق ہوگئے جبکہ 5 شدید زخمیوں کو فوری طور پر ضلعی ہیڈکوارٹر اسپتال منتقل کیا گیا۔
حکام کے مطابق زخمیوں کی حالت تشویشناک ہونے کے باعث انہیں بعد ازاں پاکستان انسٹیٹیوٹ آف میڈیکل سائنسز منتقل کیا گیا جہاں وہ دوران علاج دم توڑ گئے۔
مزید پڑھیے: آزاد کشمیر: تعلیمی نظام کے استحکام، اساتذہ کی کمی پوری کرنے کے لیے 2 ارب 98 کروڑ روپے کی مالیاتی منظوری
حادثے کے فوراً بعد ریسکیو ٹیموں اور مقامی انتظامیہ نے امدادی کارروائی شروع کر دی اور متاثرین کو نکال کر طبی امداد فراہم کی۔
