پنجاب کے شہر ساہیوال میں گھریلو جھگڑے اور ناچاقی پر ایک انتہائی دلخراش اور افسوسناک واقعہ سامنے آیا ہے جہاں ایک شخص نے غصے میں آکر اپنی ہی بھابھی اور معصوم بھتیجی پر پیٹرول چھڑک کر بے دردی سے آگ لگا دی ہے۔
یہ بھی پڑھیں: ملتان کی ثانیہ زہرہ کی موت کیسے واقع ہوئی؟
مقامی پولیس کے مطابق اس خوفناک واقعے کے نتیجے میں خاتون اور ان کی بیٹی شدید طور پر جھلس گئیں، جنہیں فوری طور پر قریبی اسپتال منتقل کر دیا گیا ہے جہاں ان کا علاج جاری ہے۔
ملز کی جانب سے لگائی جانے والی اس اچانک آگ کی لہروں نے پورے گھر کو اپنی لپیٹ میں لے لیا جس کے باعث مکان کے اندر موجود قیمتی سامان بھی جل کر خاکستر ہو گیا ہے۔
پولیس حکام کا مزید کہنا ہے کہ اس وحشیانہ کارروائی کے دوران ملزم خود بھی بھڑکتی ہوئی آگ کی زد میں آ گیا اور جھلس کر زخمی ہو گیا۔
یہ بھی پڑھیں: مبینہ زیادتی کے ملزم پولیس سپاہی کے حق میں فیصلہ آنے پر خاتون نے خود کو آگ لگا دی
واقعے کی اطلاع ملتے ہی پولیس کی بھاری نفری نے موقع پر پہنچ کر کارروائی کا آغاز کیا اور اقدامِ قتل کی کوشش کرنے والے زخمی ملزم کو حراست میں لے کر اس کے خلاف باقاعدہ قانونی مقدمہ درج کر لیا ہے، جبکہ واقعے کی مزید تفتیش کی جا رہی ہے۔
