پاکستانی شوبز انڈسٹری کی معروف اداکارہ ماہرہ خان نے ذہنی صحت سے متعلق معاشرتی رویوں پر بات کرتے ہوئے کہا ہے کہ آج بھی بہت سے لوگ مینٹل ہیلتھ کے موضوع پر کھل کر بات کرنے سے ہچکچاتے ہیں حالانکہ یہ بھی دیگر جسمانی بیماریوں کی طرح توجہ اور علاج کا تقاضا کرتا ہے۔
لندن میں منعقدہ برٹش ایشین ٹرسٹ کی ایک تقریب کے موقع پر میڈیا سے گفتگو کرتے ہوئے ماہرہ خان نے کہا کہ ذہنی صحت کے حوالے سے شعور اجاگر کرنا وقت کی اہم ضرورت ہے۔ ان کے مطابق بدقسمتی سے معاشرے میں اب بھی اس موضوع کو لے کر جھجک اور شرمندگی پائی جاتی ہے جس کی وجہ سے کئی افراد بروقت مدد حاصل نہیں کر پاتے۔
Mahira Khan and The King Charles discuss Pakistan mental health issues – @TheMahiraKhan @RoyalFamily @geonews_english pic.twitter.com/Ta23qB4gSh
— Murtaza Ali Shah (@MurtazaViews) June 9, 2026
ان کا کہنا تھا کہ پاگل کا لفظ ہی استعمال نہیں ہونا چاہیے یہہ بھی کینسر کی طرح ایک بیماری ہے۔ اداکارہ نے زور دیا کہ ذہنی امراض کو عام طبی مسائل کی طرح سنجیدگی سے لینا چاہیے۔
انہوں نے برطانیہ میں سماجی فلاح اور ذہنی صحت کے لیے کی جانے والی کوششوں کو سراہتے ہوئے شاہ چارلس کی جانب سے فلاحی سرگرمیوں اور سماجی منصوبوں کی سرپرستی کو ایک مثبت قدم قرار دیا۔ ماہرہ خان کا کہنا تھا کہ کنگ چارلس کو پتہ تھا کہ میں اس پر کام کرتی ہوں اور انہوں نے میرا شکریہ ادا کیا اور اس معاملے پر ان کے ساتھ بہت اچھی گفتگو ہوئی۔
