پاکستان اسٹاک ایکسچینج نے منگل کے روز اعلان کیا ہے کہ عاشورہ کے موقع پر مارکیٹ بند رہے گی۔
اسٹاک ایکسچینج کی جانب سے جاری اعلامیے میں کہا گیا ہے کہ تمام ٹریڈنگ رائٹس سرٹیفکیٹ ہولڈرز، اسٹاف اور متعلقہ افراد کو مطلع کیا جاتا ہے کہ پاکستان اسٹاک ایکسچینج لمیٹڈ 25 جون 2026 (جمعرات) اور 26 جون 2026 (جمعہ) کو 9 اور 10 محرم الحرام 1448 ہجری کے موقع پر بند رہے گی۔
یہ بھی پڑھیں: پاکستان اسٹاک ایکسچینج میں مثبت رجحان غالب، انڈیکس میں 500 پوائنٹس کا اضافہ
پاکستان اسٹاک ایکسچینج کے مطابق اسٹاک مارکیٹ عیدالفطر، عیدالاضحیٰ، عاشورہ اور ربیع الاول کے مواقع پر عام تعطیلات کے دوران بند رہتی ہے اور ان دنوں میں کاروباری سرگرمیاں معطل رہتی ہیں۔
وفاقی حکومت نے بھی پیر کے روز ملک بھر میں 25 اور 26 جون یعنی جمعرات اور جمعہ کو یوم عاشور کے موقع پر عام تعطیلات کا اعلان کیا تھا۔
