معروف گلوکارہ اور اداکارہ نورا فتحی نے فٹبال شائقین کے لیے نیا ترانہ ’چیمپئنز‘ جاری کردیا، جسے 2026 فیفا ورلڈ کپ کے جوش و جذبے سے جوڑا جا رہا ہے۔
بین الاقوامی میڈیا رپورٹس کے مطابق اس گانے میں نورا فتحی کے ساتھ تنزانیہ کے معروف موسیقار رے وینی اور امریکی بنگلہ دیشی ڈی جے سنجوئے نے بھی تعاون کیا ہے۔ نورا فتحی نے سوشل میڈیا پر ترانے کی ریلیز کا اعلان کرتے ہوئے اسے کامیابی، جذبے اور جشن کے احساسات سے بھرپور پیشکش قرار دیا۔
फिल्म अभिनेत्री "नूरा फतेही" का विक्ट्री एंथम 'Champions' (Fi kol Makan) का म्यूज़िक वीडियो अब रिलीज़ हो चुका है! 🌍❤️ pic.twitter.com/Mp4aPXjflD
— Arun K. Yadav (@Arun73326698) June 28, 2026
رپورٹس کے مطابق ’چیمپئنز‘ نورا فتحی کا فٹبال کے عالمی ایونٹ سے متعلق دوسرا بڑا میوزک پروجیکٹ ہے، اس سے قبل وہ ’سر سر‘ نامی گانے کا بھی حصہ بن چکی ہیں۔ نورا فتحی اس سے پہلے 2022 کے فیفا ورلڈ کپ قطر کے آفیشل ساؤنڈ ٹریک ’لائٹ دی اسکائی‘ میں بھی اپنی آواز اور پرفارمنس کے ذریعے عالمی سطح پر نمایاں ہو چکی ہیں۔
یہ بھی پڑھیں:نامناسب گانا گانے کے الزامات، معذرت کے باوجود رقاصہ نورا فتحی سے انڈیا چھوڑنے کا مطالبہ
نیا ترانہ ’چیمپئنز‘ فٹبال کے عالمی میلے میں فتح، اتحاد اور کھیل کے جذبے کو اجاگر کرنے والی پیشکش کے طور پر پیش کیا جا رہا ہے، جس نے شائقین کی توجہ حاصل کرنا شروع کر دی ہے۔
