نائب وزیراعظم اور وزیر خارجہ سینیٹر محمد اسحاق ڈار نے بحرین کے وزیر خارجہ ڈاکٹر عبداللطیف بن راشد الزیانی سے ٹیلی فونک رابطہ کیا، جس میں اسلام آباد مفاہمتی یادداشت کے بعد خطے کی بدلتی صورتحال اور امن و استحکام کے لیے سفارتی کوششوں پر تبادلہ خیال کیا گیا۔
یہ بھی پڑھیں:پاکستان کا خطے میں امن کے لیے کردار جاری رکھنے کا عزم، اسحاق ڈار کا ایرانی وزیر خارجہ سے رابطہ
ترجمان دفتر خارجہ کے مطابق نائب وزیراعظم اور وزیر خارجہ سینیٹر محمد اسحاق ڈار نے بحرین کے وزیر خارجہ ڈاکٹر عبداللطیف بن راشد الزیانی سے ٹیلی فون پر گفتگو کی۔ دونوں رہنماؤں نے اسلام آباد مفاہمتی یادداشت پر دستخط کے بعد خطے میں ہونے والی پیشرفت اور موجودہ صورتحال کا جائزہ لیا۔
Deputy Prime Minister / Foreign Minister Senator Mohammad Ishaq Dar @MIshaqDar50 held a telephone conversation today with the Foreign Minister of the Kingdom of Bahrain, H.E. Dr. Abdullatif bin Rashid Al Zayani @bahdiplomatic
The two leaders discussed the latest evolving… pic.twitter.com/uQjFVnvZ6e
— Ministry of Foreign Affairs – Pakistan (@ForeignOfficePk) June 28, 2026
بحرینی وزیر خارجہ نے اسلام آباد مفاہمتی یادداشت پر پاکستان کو مبارکباد دیتے ہوئے علاقائی امن کے لیے پاکستان کے مثبت اور تعمیری کردار کو سراہا۔ انہوں نے امید ظاہر کی کہ یہ پیشرفت خطے میں دیرپا امن اور استحکام کے قیام میں معاون ثابت ہوگی۔
ڈاکٹر عبداللطیف بن راشد الزیانی نے کہا کہ وہ مستقبل قریب میں پاکستان کا دورہ کریں گے تاکہ وزیراعظم، نائب وزیراعظم و وزیر خارجہ اور چیف آف ڈیفنس فورسز کی جانب سے جنگ بندی اور امن کے لیے کی جانے والی کوششوں پر ذاتی طور پر اظہار تشکر کر سکیں۔
یہ بھی پڑھیں:امریکا اور ایران میں صلح کروانے پر برطانیہ بھی پاکستانی کردارکا معترف، برطانوی وزیر خارجہ کا اسحاق ڈار کو فون
سینیٹر اسحاق ڈار نے بحرینی ہم منصب کے خیرسگالی جذبات پر شکریہ ادا کرتے ہوئے کہا کہ پاکستان خطے اور دنیا میں امن و استحکام کے فروغ کے لیے بات چیت اور سفارت کاری کے راستے پر ثابت قدم رہے گا۔
