یاسر نواز اور دانش نواز نے حال ہی میں اداکارہ فضا علی اور ان کے شوہر اعجاز خان کی ایک وائرل ویڈیو کو مزاحیہ انداز میں ری کریئیٹ کر کے مداحوں کو خوب محظوظ کیا۔
فضا علی ان دنوں اپنے شوہر اعجاز خان کے ساتھ بنائی گئی رومانوی ویڈیوز کی وجہ سے تقریباً ہر ہفتے سوشل میڈیا پر وائرل رہتی ہیں۔ دونوں اکثر باغات میں قلابازیاں لگاتے اور رومانوی گانوں پر لپ سنگ کرتے ہوئے ویڈیوز شیئر کرتے ہیں۔ حال ہی میں انہوں نے ایک اور ایسی ہی ویڈیو پوسٹ کی جس نے صارفین کی توجہ اپنی جانب مبذول کر لی۔
View this post on Instagram
اس نئی ویڈیو میں فضا علی اور اعجاز خان پارک میں خوشگوار وقت گزارتے دکھائی دیتے ہیں جہاں فضا اعجاز کے کندھے پر سر رکھتی ہیں اور اعجاز انہیں اپنی پیٹھ پر اٹھا لیتے ہیں۔
یاسر نواز اور دانش نواز نے اسی منظر کو اپنے منفرد مزاحیہ انداز میں دوبارہ پیش کیا۔ دونوں بھائیوں نے نہ صرف ویڈیو کی مکمل نقل اتاری بلکہ اپنی شاندار اداکاری اور مزاح سے اسے مزید دلچسپ بنا دیا جسے دیکھ کر سوشل میڈیا صارفین ہنسنے پر مجبور ہوگئے۔
View this post on Instagram
سوشل میڈیا صارفین بھی اس دلچسپ ویڈیو پر بھرپور ردِعمل دے رہے ہیں۔ ایک صارف جنید خان نے تبصرہ کیا کہ ’اب پتا چلا کہ آخر میں کیا ہوا تھا‘۔ ایک اور صارف نے لکھا اس ویڈیو کی تیاری کے دوران فضا علی یا اعجاز خان کو کوئی نقصان نہیں پہنچا۔ جبکہ ایک صارف نے مزاحیہ انداز میں کہا میں ہنستے ہنستے لوٹ پوٹ ہو گیا۔
