شمالی علاقوں میں گلیشیئرز تیزی سے پگھلنے لگے، این ڈی ایم اے نے الرٹ جاری کردیا

نیشنل ڈیزاسٹر مینجمنٹ اتھارٹی (این ڈی ایم اے) نے شمالی علاقوں میں درجہ حرارت میں اضافے کے باعث گلیشیئرز کے تیزی سے پگھلنے پر شہریوں اور سیاحوں کو احتیاط برتنے کی ہدایت کی ہے۔

مزید پڑھیں:زمین کی گردش میں غیر معمولی تیزی، رواں سال کے دن معمول سے مختصر ہونے لگے

این ڈی ایم اے کی جانب سے جاری آگاہی ویڈیو میں کہا گیا ہے کہ گلیشیئرز کے پگھلنے سے گلیشیئل لیک آؤٹ برسٹ فلڈ (GLOF)، اچانک سیلاب، لینڈ سلائیڈنگ اور نشیبی علاقوں میں طغیانی کا خطرہ بڑھ سکتا ہے۔

شمالی علاقوں میں گلیشیئرز تیزی سے پگھلنے لگے، این ڈی ایم اے الرٹ!
این ڈی ایم اے اپیل: اپنی اور اپنے اہلخانہ کی حفاظت کے لیے احتیاطی تدابیر اختیار کریں اور ممکنہ خطرات سے بچاؤ کے لیے سرکاری ہدایات پر عمل یقینی بنائیں۔@AmirSaeedAbbasi @KulAalam @asifbashirch pic.twitter.com/KRMJr7GA62

— Media Talk (@mediatalk922) June 29, 2026

ادارے نے بالائی علاقوں، دریاؤں اور ندی نالوں کے قریب رہنے والے افراد اور سیاحوں کو موسمی صورتحال سے باخبر رہنے، غیر ضروری سفر سے گریز کرنے اور کسی بھی ہنگامی صورت حال میں متعلقہ ضلعی انتظامیہ اور ریسکیو اداروں کی ہدایات پر عمل کرنے کی ہدایت کی ہے۔

مزید پڑھیں:ملک بھر میں 26 تا 31 مئی شدید گرمی اور موسمی خطرات کا الرٹ جاری

این ڈی ایم اے نے مقامی شہریوں اور سیاحوں سے اپیل کی ہے کہ وہ اپنی اور اپنے اہلخانہ کی حفاظت کے لیے احتیاطی تدابیر اختیار کریں اور ممکنہ خطرات سے بچاؤ کے لیے سرکاری ہدایات پر عمل یقینی بنائیں۔