عالمی شہرت یافتہ گلوکارہ شکیرا نے انکشاف کیا ہے کہ وہ اپنے دو بچوں کی بہترین پرورش اور پیشہ ورانہ مصروفیات میں توازن قائم رکھنے کے لیے راتوں کی نیند تک قربان کر دیتی ہیں اور یہی وجہ ہے کہ اس وقت ان کی زندگی میں کوئی بوائے فرینڈ نہیں۔
ایک پوڈکاسٹ میں گفتگو کرتے ہوئے شکیرا نے بتایا کہ جب ان کے بچے اپنے والد کے ساتھ ہوتے ہیں تو وہ اپنا تمام وقت کام کے لیے وقف کر دیتی ہیں تاکہ بچوں کی واپسی پر پوری توجہ ان پر مرکوز رکھ سکیں۔
View this post on Instagram
انہوں نے کہا کہ ’میں بچوں کی غیر موجودگی میں دن رات کام کرتی ہوں۔ میں بمشکل سوتی ہوں تاکہ زیادہ سے زیادہ کام مکمل کر سکوں اور جب بچے واپس آئیں تو ان کے ساتھ متوازن انداز میں وقت گزار سکوں‘۔
اس دوران میزبان نے کہا کہ جب بچے شکیرا کے ساتھ ہوتے ہیں تو وہ موبائل فون ایک طرف رکھ کر مکمل توجہ صرف ان پر دیتی ہیں۔ اس پر شکیرا نے مسکراتے ہوئے جواب دیا ’اسی لیے میرا کوئی بوائے فرینڈ نہیں‘۔
