وینزویلا کی عبوری صدر ڈیلسی روڈریگز نے کہا ہے کہ ملک میں 24 جون کو آنے والے تباہ کن زلزلوں کے نتیجے میں ہلاکتوں کی تعداد بڑھ کر 2,595 ہو گئی ہے، جبکہ زخمیوں کی تعداد 12 ہزار 400 سے تجاوز کر چکی ہے۔ سرچ اینڈ ریسکیو آپریشن تاحال جاری ہے اور حکومت نے امدادی سرگرمیاں ختم نہیں کیں۔
مزید پڑھیں:وینزویلا : 140 ٹن ملبے کے نیچے دبا ہوا سیکیورٹی گارڈ 8دن بعد زندہ نکل آیا
عبوری صدر کے مطابق سب سے زیادہ متاثرہ ریاست لاگویرا میں سرکاری عمارتیں گرنے سے متعدد علاقائی سرکاری حکام جان کی بازی ہار گئے، جبکہ ملک بھر میں 189 عمارتیں مکمل طور پر تباہ ہو چکی ہیں۔
😞 En una serie de escenas impactantes, un nuevo video del terremoto ocurrido en Venezuela da muestra de la magnitud que tuvo el movimiento. pic.twitter.com/D8oNa1aBu6
— La-Lista Deportes (@LaListaDeportes) July 3, 2026
ڈیلسی روڈریگز نے بتایا کہ تعمیرِ نو کے لیے بین الاقوامی مالیاتی فنڈ (آئی ایم ایف) کے تعاون سے 20 کروڑ ڈالر کا خصوصی فنڈ قائم کیا جا رہا ہے۔ ان کے مطابق آئی ایم ایف اور عالمی بینک نے وینزویلا کو مالی امداد اور قرض کی پیشکش بھی کی ہے، جبکہ فنڈ سے حاصل ہونے والی رقم گھروں، بنیادی ڈھانچے اور دیگر متاثرہ تنصیبات کی بحالی پر خرچ کی جائے گی۔
مزید پڑھیں:وینزویلا میں تباہ کن زلزلوں کے 4 روز بعد باپ بیٹا ملبے سے زندہ نکل آئے، ہلاکتیں 1450 ہوگئیں
حکام کے مطابق لاپتا افراد کی سرکاری تعداد جاری نہیں کی گئی، تاہم غیر سرکاری آن لائن فہرستوں میں قریباً 38 ہزار 500 افراد اب بھی لاپتا بتائے جا رہے ہیں۔
