پیٹرول اور ڈیزل کی قیمتوں میں کمی، مٹی کا تیل مہنگا ہوگیا

وفاقی حکومت نے پیٹرول اور ڈیزل کی قیمتوں میں معمولی کمی جبکہ مٹی کے تیل کی قمیت میں اضافے کا اعلان کر دیا۔

یہ بھی پڑھیں: پیٹرولیم مصنوعات صارفین کے ہاتھ سے نکل گئیں، گزشتہ ماہ فروخت میں 20 فیصد کمی

حکومت کی جانب سے جاری کردہ نوٹیفکیشن کے مطابق پیٹرول اور ہائی اسپیڈ ڈیزل کی قیمت میں ایک روپے 97 پیسے فی لیٹر کمی کی گئی ہے۔

نوٹیفکیشن کے تحت نئی قیمتوں کا اطلاق فوری طور پر کر دیا گیا ہے جو آئندہ 7 روز تک مؤثر رہے گا۔

پیٹرول کی فی لیٹر قیمت اب 311 روپے 47 پیسے سے کم ہوکر 309 روپے 50 پیسے ہوگئی جبکہ ڈیزل کی قیمت جو پہلے 299 روپے 50 پیسے فی لیٹر تھی اب 297 روپے 53 پیسے کردی گئی ہے۔

مزید پڑھیے: پیٹرول اور ڈیزل پر کلائمیٹ سپورٹ لیوی دگنی، پیٹرولیم لیوی میں کمی، قیمتیں برقرار

حکومت کی جانب سے پیٹرولیم مصنوعات کی قیمتوں میں یہ ردوبدل عالمی منڈی میں تیل کی قیمتوں اور مقامی معاشی عوامل کو مدنظر رکھتے ہوئے کیا گیا ہے۔

مٹی کے تیل کی قیمت میں 4 روپے 9 پیسے فی لیٹر اضافہ

دریں اثنا اوگرا نے مٹی کے تیل کی قیمت میں اضافہ کردیا ہے۔
نئی مقرر کردہ قمیت کے مطابق مٹی کے تیل کی قیمت میں 4 روپے 9 پیسے فی لیٹر اضافہ کیا گیا ہے جس کے بعد نئی قیمت231 روپے 14 پیسے فی لیٹر ہوگئی ہے۔ قیمت میں اضافے کا اطلاق آج سےکیا گیا ہے۔

مزید پڑھیں: پیٹرولیم مصنوعات کی قیمتوں میں کمی، کراچی کے تاجر کیا کہتے ہیں؟

قبل ازیں مٹی کے تیل کی قیمت 227 روپے 5 پیسے فی  لیٹر تھی۔