🔊 PR No.1️⃣6️⃣4️⃣/2️⃣0️⃣2️⃣6️⃣
Curtain Raiser: Visit of the President of the Islamic Republic of Pakistan to the Kyrgyz Republic
🔗⬇️ pic.twitter.com/ifrSmXuEAU
— Ministry of Foreign Affairs – Pakistan (@ForeignOfficePk) July 6, 2026
دورے کے دوران صدر آصف علی زرداری اور صدر صادیر ژاپاروف کے درمیان ون آن ون ملاقات اور وفود کی سطح پر مذاکرات ہوں گے۔
دونوں رہنما پاکستان اور کرغزستان کے دوطرفہ تعلقات کے تمام پہلوؤں کا جائزہ لینے کے ساتھ ساتھ باہمی دلچسپی کے علاقائی اور عالمی امور پر بھی تبادلہ خیال کریں گے۔
مذاکرات میں تجارت و سرمایہ کاری، توانائی، معدنیات، زراعت، ٹیکسٹائل، حلال صنعت، صحت، ادویہ سازی، ڈیجیٹل معیشت، تعلیم، سیاحت اور عوامی روابط سمیت مختلف شعبوں میں تعاون کے فروغ پر خصوصی توجہ دی جائے گی۔
مزید پڑھیں: پاکستان کی ’گرین کوریڈور‘ تجویز پر کرغزستان کی خاموشی کیوں؟
اپنے دورے کے دوران صدر مملکت کرغز پارلیمنٹ کے اسپیکر سے بھی ملاقات کریں گے۔
دفتر خارجہ کے مطابق پاکستان اور کرغز جمہوریہ کے درمیان دوستانہ اور برادرانہ تعلقات قائم ہیں، جو مشترکہ تاریخ، مذہبی و ثقافتی ہم آہنگی اور وسطی و جنوبی ایشیا میں امن، روابط اور خوشحالی کے مشترکہ وژن پر استوار ہیں۔
