وزارتِ مذہبی امور کی آن لائن حج رجسٹریشن مہم کامیابی سے جاری ہے، جس کے تحت صرف 15 روز میں حج 2027 کے لیے رجسٹرڈ عازمین کی تعداد اڑھائی لاکھ سے تجاوز کر گئی ہے۔
مزید پڑھیں:حج 2027 رجسٹریشن کو زبردست عوامی پذیرائی، 2 روز میں 51 ہزار سے زائد درخواستیں موصول
اعداد و شمار کے مطابق صرف گزشتہ روز 12 ہزار 880 افراد نے گھر بیٹھے اپنی حج رجسٹریشن مکمل کی۔ عازمین حج، حج پورٹل یا موبائل ایپ ’پاک حج‘ کے ذریعے آسانی سے رجسٹریشن کرا رہے ہیں۔
آن لائن حج رجسٹریشن ڈرائیو کامپاںی سے جاری
پندرہ دنوں میں رجسٹرڈ عازمیں کی تعداد ڈھائی لاکھ سے تجاوز کر گئی
صرف گذشتہ روز 12 ہزار 880 عازمین نے گھر بیٹھے حج رجسٹریشن مکمل کی@iamabidmalik @KulAalam pic.twitter.com/9saLE4njUi— Media Talk (@mediatalk922) July 7, 2026
وزارتِ مذہبی امور کا کہنا ہے کہ وزیراعظم کے ڈیجیٹل پاکستان کے ویژن کے مطابق حج رجسٹریشن کا عمل مکمل طور پر ڈیجیٹل انداز میں آگے بڑھ رہا ہے، جبکہ اگلے مرحلے میں حج واجبات بھی آن لائن وصول کرنے کی منصوبہ بندی کی جا رہی ہے۔
وزارت کے مطابق نیشنل آئی ٹی بورڈ کی جانب سے تیار کردہ ’حج مینجمنٹ سسٹم‘ عازمین حج اور وزارتِ مذہبی امور کے درمیان رابطے کا مؤثر اور آسان ذریعہ ثابت ہوا ہے۔
رجسٹریشن کے اعداد و شمار کے مطابق ایک لاکھ 87 ہزار افراد نے سرکاری حج اسکیم، جبکہ 63 ہزار عازمین نے نجی حج اسکیم کا انتخاب کیا ہے۔
مزید پڑھیں:قبائلی خواتین وراثت سے محروم کیوں؟
تعلیمی اعتبار سے رجسٹرڈ عازمین میں 3 ہزار پی ایچ ڈی، 45 ہزار ماسٹرز اور 60 ہزار بیچلرز ڈگری ہولڈرز شامل ہیں، جبکہ عمر کے لحاظ سے 33 سے 44 برس کے عازمین 76 ہزار کی تعداد کے ساتھ سب سے نمایاں گروپ ہیں۔
