معروف اداکار احد رضا میر اور مایا علی نے اپنے آنے والے ڈرامے ’ایک محبت اور‘ کے سیٹ سے ایک دلچسپ ویڈیو شیئر کی ہے جسے سوشل میڈیا پر بے حد پسند کیا جا رہا ہے۔
مایا علی نے اپنے انسٹاگرام اکاؤنٹ پر ایک ویڈیو پوسٹ کی جس میں وہ احد رضا میر کو اردو ٹنگ ٹویسٹر بولنے کا چیلنج دیتی نظر آئیں۔ ویڈیو میں احد نے پُراعتماد انداز میں چیلنج قبول کیا تاہم مشکل الفاظ کی ادائیگی میں وہ الجھ گئے جس پر مایا علی بے اختیار ہنس پڑیں۔
View this post on Instagram
بعد ازاں احد رضا میر نے مزاحیہ انداز میں مایا علی سے کہا کہ وہ پہلے خود ٹنگ ٹویسٹر صحیح طریقے سے ادا کرکے دکھائیں۔ اس کے بعد مایا علی نے انہیں آہستہ آہستہ الفاظ کی ادائیگی سمجھائی جبکہ احد مسکراتے ہوئے جملہ دہرانے کی کوشش کرتے رہے۔
اس مختصر مگر دلچسپ ویڈیو کو صارفین کی جانب سے خوب پسند کیا گیا اور وہ اس پر مختلف تبصرے کرتے نظر آئے۔ کسی نے دونوں اداکاروں کی کیمسٹری کو پسند کیا تو کوئی ان کے ڈرامے کی تعریف کرتا نظر آیا۔
یہ بھی پڑھیں: احد رضا میر اور سجل علی کی طلاق کیوں ہوئی؟ آصف رضا میر نے خاموشی توڑ دی
واضح رہے کہ مایا علی’من مائل‘، ’سن میرے دل‘ اور فلم ’طیفا اِن ٹربل‘ سمیت کئی کامیاب پراجیکٹس کا حصہ رہ چکی ہیں جبکہ احد رضا میر ’یقین کا سفر‘، ’عہدِ وفا‘ اور دیگر منصوبوں میں اپنی اداکاری کے جوہر دکھا چکے ہیں۔
ڈراما “ایک محبت اور” پہلی مرتبہ مایا علی اور احد رضا میر کو ایک ساتھ اسکرین پر پیش کرے گا، جس کے باعث شائقین اس ڈرامے کے بے صبری سے منتظر ہیں۔
