وفاقی وزیر داخلہ محسن نقوی نے اقوام متحدہ کے ہیڈکوارٹر میں چین کے وزیر مملکت برائے داخلہ اور اسپیشل سروس بیورو کے سربراہ لنگ ژیفینگ سے ملاقات کی، جس میں انسدادِ دہشتگردی، داخلی سلامتی اور دوطرفہ سیکیورٹی تعاون پر تفصیلی تبادلہ خیال کیا گیا۔
ملاقات میں دونوں رہنماؤں نے انسدادِ دہشتگردی کے شعبے میں تعاون اور پاک چین اسٹریٹجک شراکت داری کو مزید مستحکم بنانے کے عزم کا اعادہ کیا، جبکہ داخلی سلامتی، بارڈر مینجمنٹ، غیرقانونی امیگریشن اور انسدادِ منشیات کے حوالے سے باہمی معاونت بڑھانے پر اتفاق کیا۔
وفاقی وزیر داخلہ محسن نقوی نے کہا کہ دہشتگردوں کی مالی معاونت ہر سطح پر روکنے کی ضرورت ہے اور دہشتگردوں کی پشت پناہی اور فنڈنگ میں ملوث ممالک کے خلاف مشترکہ حکمت عملی اپنائی جانی چاہیے۔ انہوں نے کہا کہ پاکستان چین کے ساتھ سیکیورٹی تعاون کو مزید وسعت دینا چاہتا ہے۔
وفاقی وزیر داخلہ محسن نقوی نے اقوام متحدہ کے ہیڈکوارٹر میں چین کے وزیر مملکت برائے داخلہ اور اسپیشل سروس بیورو کے سربراہ لنگ ژیفینگ سے ملاقات کی، جس میں انسدادِ دہشتگردی، داخلی سلامتی اور دوطرفہ سیکیورٹی تعاون پر تفصیلی تبادلہ خیال کیا گیا۔@CCTV @KulAalam @BalochNadir5 pic.twitter.com/fdWJ7KdlW1
— Media Talk (@mediatalk922) July 8, 2026
محسن نقوی نے بتایا کہ پاکستان میں چینی شہریوں کے تحفظ کے لیے خصوصی پروٹیکشن پولیس فورس قائم کی گئی ہے۔ ان کا کہنا تھا کہ دونوں ممالک کے درمیان عوامی روابط کے فروغ کے لیے ویزا نظام میں مزید آسانیاں ناگزیر ہیں۔
مزید پڑھیں:وفاقی وزیر داخلہ محسن نقوی اہم سرکاری دورے پر ریاض پہنچ گئے، پرتپاک استقبال
اس موقع پر چینی وزیر مملکت برائے داخلہ لنگ ژیفینگ نے دہشتگردی کے خلاف جنگ میں پاکستان کی قربانیوں کو سراہتے ہوئے کہا کہ اس عالمی چیلنج سے نمٹنے کے لیے دونوں ممالک کو مل کر کام کرنا ہوگا۔ انہوں نے ویزا اور امیگریشن سے متعلق امور کا بھی جائزہ لینے کی یقین دہانی کرائی۔
