پاک بحریہ اور پاکستان میری ٹائم سیکیورٹی ایجنسی نے مشترکہ سرچ آپریشن کے دوران لاپتا کارگو طیارے کا ملبہ تلاش کر لیا ہے، جبکہ طیارے کے عملے کے ارکان کی تلاش کے لیے آپریشن تاحال جاری ہے۔
یہ بھی پڑھیں: شارجہ سے کراچی آنیوالا کارگو طیارہ سمندر میں گر کر تباہ، 2 پائلٹ سمیت 5 افراد جاں بحق
حکام کے مطابق طیارے کا ملبہ اوڑمارہ کے ساحل سے 53 ناٹیکل میل جنوب میں سمندر سے ملا ہے۔
ترجمان کے مطابق ملبے کی مزید جانچ اور طیارے کے عملے کے افراد کی تلاش کے لیے ریسکیو اور سرچ آپریشن جاری ہے، جس میں پاک بحریہ اور پاکستان میری ٹائم سیکیورٹی ایجنسی کے بحری اور فضائی وسائل حصہ لے رہے ہیں۔
یہ بھی پڑھیں: ہانگ کانگ: کارگو طیارہ رن وے سے پھسل کر سمندر میں جاگرا، 2 افراد ہلاک
واضح رہے کہ کے ٹو ایئر ویز کا کارگو طیارہ گزشتہ شب شارجہ سے پاکستان کے لیے روانہ ہوا تھا، تاہم دوران پرواز طیارے سے رابطہ منقطع ہو گیا تھا۔
واقعے کے بعد پاک بحریہ اور دیگر اداروں نے طیارے کی تلاش کے لیے فوری طور پر سرچ آپریشن شروع کیا، جس کے دوران اب طیارے کا ملبہ سمندر سے تلاش کر لیا گیا ہے۔
PN and PMSA after 12 hours of Search & Rescue operations in deep Sea have successfully located and identified wreckage of K2 Airways Cargo B737 which was declared missing last night. The wreckage was recovered from 53 NM South of ORMARA. pic.twitter.com/0dZpj8s7u3
— Pakistan Airports Authority (@Pk_PAA_Official) July 8, 2026
اس حوالے سے پاکستان ایوی ایشن اتھارٹی کا کہنا ہے کہ پاک بحریہ اور پاکستان میری ٹائم سیکیورٹی ایجنسی نے گہرے سمندر میں 12 گھنٹے سے زائد جاری رہنے والے مشترکہ سرچ اینڈ ریسکیو آپریشن کے دوران گزشتہ رات لاپتا ہونے والے کے ٹو ایئر وی کے کارگو طیارے بوئنگ 737 کا ملبہ کامیابی سے تلاش کر کے اس کی شناخت کرلی ہے۔
حکام کے مطابق طیارے کا ملبہ اوڑمارہ سے 53 ناٹیکل میل جنوب میں سمندر سے برآمد کیا گیا۔
ترجمان کے مطابق طیارے کے عملے اور دیگر ممکنہ شواہد کی تلاش کے لیے ریسکیو اور سرچ آپریشن تاحال جاری ہے۔
