فیفا ورلڈ کپ 2026 اپنے فیصلہ کن مرحلے میں داخل ہو گیا ہے جہاں 48 ٹیموں کے سفر کے بعد اب صرف 8 مضبوط ٹیمیں ٹائٹل کی دوڑ میں باقی رہ گئی ہیں۔
یہ بھی پڑھیں: فٹبال ورلڈ کپ 2026 میں نئی تاریخ رقم: 40 سال سے زائد عمر کے اسٹارز کی ریکارڈ تعداد ایکشن میں ہوگی
راؤنڈ آف 16 کے سنسنی خیز مقابلوں کے اختتام پر فرانس، مراکش، اسپین، بیلجیم، ناروے، انگلینڈ، ارجنٹینا اور سوئٹزرلینڈ نے کوارٹر فائنل میں جگہ بنا لی ہے۔
اب ہر ٹیم عالمی چیمپئن بننے سے صرف 3 فتوحات کے فاصلے پر ہے جبکہ اگلے چند روز میں ہونے والے کوارٹر فائنل مقابلے یہ طے کریں گے کہ کون سی 4 ٹیمیں سیمی فائنل میں پہنچیں گی۔
8 بہترین ٹیمیں میدان میں
کوارٹر فائنل میں پہنچنے والی ٹیموں میں دفاعی چیمپیئن ارجنٹینا، یورپی طاقت فرانس اور اسپین، بیلجیم کی مضبوط ٹیم، ناروے، انگلینڈ، سوئٹزرلینڈ اور افریقہ کی نمائندہ مراکش شامل ہیں۔
The World Cup is down to eight. ⚽🔥
France face Morocco, Spain meet Belgium, Norway take on England and Argentina go up against Switzerland as the quarter-finals begin.
Four matches. Eight teams. No room for mistakes. pic.twitter.com/ackeifxJSW
— Khaosod English (@KhaosodEnglish) July 8, 2026
مراکش نے کینیڈا کو 0-3 سے شکست دے کر مسلسل دوسری مرتبہ ورلڈ کپ کوارٹر فائنل تک رسائی حاصل کی۔
فرانس نے پیراگوئے کو 0-1 سے شکست دی جبکہ کیلیان ایمباپے نے گولڈن بوٹ کی دوڑ میں اپنی پوزیشن مزید مستحکم کی۔
ناروے نے برازیل کو 1-2 سے ہرا کر بڑا اپ سیٹ کیا جہاں ایرلنگ ہالینڈ نے دو گول کیے۔
انگلینڈ نے میکسیکو کو سنسنی خیز مقابلے کے بعد 2-3 سے شکست دی۔
اسپین نے پرتگال کو 0-1 سے ہرا کر اپنی تکنیکی برتری برقرار رکھی۔
مزید پڑھیے: فٹبال ورلڈ کپ 2026: ہر ہاف کے 22 ویں منٹ میں لازمی وقفہ، لیکن کیوں؟
بیلجیم نے امریکا کو 1-4 سے شکست دے کر شاندار انداز میں آخری 8 ٹیموں میں جگہ بنائی۔
These are the eight teams that reached the quarter finals:
🇦🇷 Argentina → FIFA Ranking: 1
🇪🇸 Spain → FIFA Ranking: 2
🇫🇷 France → FIFA Ranking: 3
🏴 England → FIFA Ranking: 4
🇲🇦 Morocco → FIFA Ranking: 7
🇧🇪 Belgium → FIFA Ranking: 9
🇨🇭 Switzerland → FIFA Ranking: 19
🇳🇴… pic.twitter.com/kX1y1ER1QM— World Insights (@World_Insights1) July 8, 2026
ارجنٹینا نے مصر کے خلاف 2 گول کے خسارے سے واپسی کرتے ہوئے 2-3 سے کامیابی حاصل کی۔
سوئٹزرلینڈ نے کولمبیا کو پنالٹی شوٹ آؤٹ میں شکست دے کر کوارٹر فائنل تک رسائی حاصل کی۔
کوارٹر فائنل کا مکمل شیڈول (پاکستانی وقت)
فرانس بمقابلہ مراکش
تاریخ: 10 جولائی (جمعہ)
وقت: رات 1:00 بجے
مقام: بوسٹن اسٹیڈیم، میساچوسٹس
یہ مقابلہ سنہ 2022 کے فٹبال ورلڈ کپ سیمی فائنل کی یاد تازہ کرے گا جہاں مراکش نے تاریخ رقم کی تھی۔ اس بار بھی اشرف حکیمی اور کیلیان ایمباپے کی دلچسپ ٹکر متوقع ہے۔
اسپین بمقابلہ بیلجیم
تاریخ: 11 جولائی (ہفتہ)
وقت: رات 12:00 بجے
مقام: لاس اینجلس اسٹیڈیم، کیلیفورنیا
اسپین کی مختصر پاسنگ پر مبنی فٹبال اور بیلجیم کے تیز رفتار جوابی حملوں کے درمیان دلچسپ مقابلہ متوقع ہے۔
ناروے بمقابلہ انگلینڈ
تاریخ: 12 جولائی (اتوار)
وقت: رات 2:00 بجے
مقام: میامی اسٹیڈیم، فلوریڈا
برازیل کے خلاف 2 گول کرنے والے ایرلنگ ہالینڈ انگلینڈ کے دفاع کے لیے سب سے بڑا امتحان ہوں گے، جبکہ ہیری کین اپنی ٹیم کی امیدوں کا مرکز ہوں گے۔
The quarter-final lineup for the FIFA World Cup is now complete, with eight teams advancing after a thrilling Round of 16. France, Morocco, Norway, England, Spain, Belgium, Argentina and Switzerland have all secured their places in the last eight. pic.twitter.com/BnEi8qhre9
— Firstpost (@firstpost) July 8, 2026
ارجنٹینا بمقابلہ سوئٹزرلینڈ
تاریخ: 12 جولائی (اتوار)
وقت: صبح 6:00 بجے
مقام: کنساس سٹی اسٹیڈیم، میزوری
لیونل میسی کے ممکنہ آخری ورلڈ کپ میں دفاعی چیمپئن ارجنٹینا کا سامنا مضبوط دفاعی ٹیم سوئٹزرلینڈ سے ہوگا جس نے کولمبیا کو پنالٹی شوٹ آؤٹ میں شکست دے کر کوارٹر فائنل تک رسائی حاصل کی۔
سیمی فائنلز
فرانس/مراکش کی فاتح ٹیم کا مقابلہ اسپین/بیلجیم کی فاتح ٹیم سے ہوگا۔
مزید پڑھیں: جب پاکستان ہاکی نے ارجنٹائن کو عالمی فٹبال کپ جتوایا
ناروے/انگلینڈ کی فاتح ٹیم ارجنٹینا/سوئٹزرلینڈ کی فاتح ٹیم کے خلاف سیمی فائنل کھیلے گی۔
سیمی فائنل مقابلے 14 اور 15 جولائی کو ہوں گے جبکہ فیفا ورلڈ کپ 2026 کا فائنل 19 جولائی کو نیویارک، نیو جرسی اسٹیڈیم میں کھیلا جائے گا۔
کوارٹر فائنل کے اہم ستارے
اس مرحلے میں دنیا کی نظریں کئی بڑے کھلاڑیوں پر ہوں گی جن میں لیونل میسی، کیلیان ایمباپے، ایرلنگ ہالینڈ، ہیری کین، اشرف حکیمی، چارلس ڈی کیٹیلائر، لامین یامال اور گرانیت ژاکا شامل ہیں۔
یہ بھی پڑھیے: فٹبال ورلڈکپ: ارجنٹینا کے کپتان اور مایہ ناز فٹبالر لیونل میسی گولڈن بُوٹ کی دوڑ میں پھر سرفہرست
خصوصی طور پر لیونل میسی کی کارکردگی پر سب کی نگاہیں ہوں گی کیونکہ یہ ان کے کیریئر کا آخری ورلڈ کپ تصور کیا جا رہا ہے جبکہ ایمباپے اور ہالینڈ گولڈن بوٹ کی دوڑ میں بھی نمایاں امیدوار ہیں۔
