سعودی عرب کے تبوک ریجن کے مغربی پہاڑ اپنی بلند چوٹیوں، قدرتی چٹانی ساخت، سرخ ریت کے وسیع ٹیلوں اور دلکش مناظر کی بدولت ملکی و غیر ملکی سیاحوں، فوٹوگرافرز اور مہم جو افراد کے لیے ایک نمایاں سیاحتی مقام بن گئے ہیں۔
سعودی پریس ایجنسی کے مطابق تبوک کے مغربی پہاڑ اپنی منفرد ارضیاتی خصوصیات اور قدرتی حسن کے باعث تیزی سے مقبول سیاحتی مقام کی حیثیت اختیار کر رہے ہیں۔ ہزاروں برس کے قدرتی عوامل سے تراشے گئے بلند و بالا چٹانی ستون، عظیم الشان چٹانیں اور مختلف رنگوں پر مشتمل پہاڑی سلسلے اس علاقے کو منفرد شناخت دیتے ہیں۔
Western Tabuk Mountains Draw Tourists with Towering Formations, Red Sands.https://t.co/oPcGMwitAs#SPAGOV pic.twitter.com/EGkqjZrcMs
— SPAENG (@Spa_Eng) July 10, 2026
پہاڑوں کے درمیان بل کھاتے راستے، گہری وادیاں اور سرخ ریت کے وسیع ٹیلے قدرتی حسن میں مزید اضافہ کرتے ہیں، جبکہ یہ مناظر طلوع اور غروبِ آفتاب کے وقت خاص طور پر دل موہ لینے والے بن جاتے ہیں۔ سورج کی روشنی کے بدلتے زاویوں کے ساتھ پہاڑوں اور ریت کے رنگ تبدیل ہوتے دکھائی دیتے ہیں، جس سے علاقے میں نہایت دلکش اور نایاب ارضیاتی مناظر جنم لیتے ہیں۔
یہ بھی پڑھیں:سعودی عرب: عسیر میں پائیدار کافی کی کاشت کا بڑا منصوبہ، 2028 تک 10 لاکھ نئے درخت لگانے کا ہدف
سعودی پریس ایجنسی کے مطابق مغربی تبوک کے یہ پہاڑی سلسلے خطے کی قدرتی اور ماحولیاتی دولت کی عکاسی کرتے ہیں اور مقامی سطح پر ماحولیاتی سیاحت (ایکو ٹورازم) اور ایڈونچر ٹورازم کے فروغ میں اہم کردار ادا کر رہے ہیں۔
جبال غرب تبوك تجمع بين القمم الصخرية الشاهقة والرمال الحمراء في لوحة طبيعية آسرة، شمال غرب السعودية 🇸🇦 ..
The mountains west of Tabuk combine towering rock formations and red sands in a captivating natural landscape, northwest Saudi Arabia pic.twitter.com/yvYyoA7eHF
— TSP جيوغرافيك (@TSP_Geographic) July 10, 2026
حکام کا کہنا ہے کہ تبوک ریجن کے قدرتی مقامات نہ صرف سیاحوں کو منفرد تجربات فراہم کر رہے ہیں بلکہ علاقے کے ماحولیاتی ورثے کو بھی اجاگر کر رہے ہیں، جس سے مقامی معیشت اور سیاحتی سرگرمیوں کو فروغ ملنے کی توقع ہے۔
