نیویارک کے میئر ظہران ممدانی نے کہا ہے کہ عالمی شہرت یافتہ گلوکارہ ٹیلر سوئفٹ نے اپنی شادی کی تقریب کے لیے سیکیورٹی، پولیس انتظامات اور دیگر سرکاری اجازت ناموں کی مد میں ایک لاکھ 60 ہزار ڈالر سے زائد ادا کیے۔
مزید پڑھیں:ٹیلر سوئفٹ اور ٹریوس کیلسی کی شاہانہ شادی پر خصوصی ڈاکیومنٹری تیار کیے جانے کا دعویٰ
میئر کے مطابق یہ رقم میڈیسن اسکوائر گارڈن میں منعقدہ نجی تقریب کے لیے جاری کیے گئے پرمٹ، پولیس کی تعیناتی اور دیگر شہری انتظامات کے اخراجات پر صرف کی گئی، جس سے شہر پر کوئی اضافی مالی بوجھ نہیں پڑا۔
.@NYCMayor Mamdani on Taylor Swift paying New York City back for police overtime during her wedding: “Taylor Swift will be paying… has paid already the cost of the permit that was lodged, which was over $160,000 for that event and for the response to that event.” pic.twitter.com/rlYhUmi9AS
— CSPAN (@cspan) July 10, 2026
امریکی میڈیا کے مطابق 36 سالہ ٹیلر سوئفٹ نے گزشتہ ہفتے این ایف ایل اسٹار ٹریوس کیلس سے نیویارک میں شادی کی۔ تقریب میں قریبی عزیزوں اور دوستوں سمیت بڑی تعداد میں مہمان شریک ہوئے، جبکہ سکیورٹی کے سخت انتظامات کے باعث اطراف کی بعض سڑکیں بھی عارضی طور پر بند کی گئی تھیں۔
اگرچہ سکیورٹی اخراجات کی تصدیق ہو چکی ہے، تاہم شادی پر آنے والی مجموعی لاگت کا باضابطہ اعلان نہیں کیا گیا۔ امریکی میڈیا کے اندازوں کے مطابق اس شاہانہ تقریب پر قریباً 1 کروڑ 50 لاکھ ڈالر خرچ ہوئے۔
