نائب وزیراعظم و وزیر خارجہ سینیٹر اسحاق ڈار نے ایران کے وزیر خارجہ سید عباس عراقچی سے ٹیلیفون پر رابطہ کرکے خطے کی تازہ صورتحال پر تبادلہ خیال کیا۔ اسحاق ڈار نے فریقین پر زور دیا کہ وہ جون 2026 کی اسلام آباد مفاہمتی یادداشت (Islamabad MoU) کے مطابق کشیدگی میں کمی اور تحمل کا راستہ اختیار کریں۔
نائب وزیراعظم و وزیر خارجہ سینیٹر محمد اسحاق ڈار نے اسلامی جمہوریہ ایران کے وزیر خارجہ سید عباس عراقچی سے ٹیلیفون پر گفتگو کرتے ہوئے خطے کی بدلتی ہوئی صورتحال اور علاقائی امن و استحکام سے متعلق امور پر تبادلہ خیال کیا۔
Deputy Prime Minister/Foreign Minister Senator Mohammad Ishaq Dar @MIshaqDar50 held a telephone conversation today with His Excellency Seyyed Abbas Araghchi, Foreign Minister of the Islamic Republic of Iran. @araghchi
Both leaders exchanged views on the evolving regional… pic.twitter.com/WuRxnROwwp
— Ministry of Foreign Affairs – Pakistan (@ForeignOfficePk) July 12, 2026
دفتر خارجہ کی جانب سے جاری بیان کے مطابق دونوں وزرائے خارجہ نے موجودہ علاقائی صورتحال کا جائزہ لیا اور باہمی دلچسپی کے مختلف امور پر خیالات کا تبادلہ کیا۔
اس موقع پر اسحاق ڈار نے اس بات پر زور دیا کہ تمام فریق جون 2026 میں طے پانے والی اسلام آباد مفاہمتی یادداشت (Islamabad MoU) کے مطابق کشیدگی میں کمی لانے، تحمل کا مظاہرہ کرنے اور تنازعات کو مزید بڑھنے سے روکنے کے لیے اقدامات کریں۔
یہ بھی پڑھیں:پاکستان کا جغرافیائی محلِ وقوع ایک قیمتی اثاثہ ہے، اسحاق ڈار
انہوں نے کہا کہ خطے میں پائیدار امن اور استحکام کے قیام کے لیے مذاکرات اور سفارتکاری ہی واحد مؤثر اور قابلِ عمل راستہ ہیں، لہٰذا تمام متعلقہ فریقوں کو اختلافات کے حل کے لیے بات چیت کو ترجیح دینی چاہیے۔
نائب وزیراعظم نے علاقائی امن و استحکام کے فروغ کے لیے پاکستان کے تعمیری کردار کو دہراتے ہوئے کہا کہ پاکستان مستقبل میں بھی خطے میں امن، استحکام اور سفارتی کوششوں کو آگے بڑھانے کے لیے اپنا مثبت کردار ادا کرنے کے لیے تیار ہے۔
دفتر خارجہ کے مطابق دونوں رہنماؤں نے خطے کی صورتحال پر قریبی رابطے برقرار رکھنے اور باہمی مشاورت کا سلسلہ جاری رکھنے پر بھی اتفاق کیا۔
