وزیراعظم شہباز شریف نے بنگلہ دیش میں شدید سیلاب اور لینڈ سلائیڈنگ کے نتیجے میں ہونے والے جانی نقصان اور وسیع پیمانے پر تباہی پر گہرے دکھ اور افسوس کا اظہار کیا ہے۔
مزید پڑھیں:چین میں سیلاب کے باعث تقریباً 900 سانپ فرار، سرچ آپریشن جاری
سماجی رابطے کے پلیٹ فارم ایکس پر اپنے بیان میں وزیراعظم نے کہا کہ پاکستان کے عوام کی جانب سے وہ متاثرہ خاندانوں سے دلی تعزیت اور ہمدردی کا اظہار کرتے ہیں اور اس مشکل گھڑی میں بنگلہ دیش کی حکومت اور عوام کے ساتھ مکمل یکجہتی کا اعادہ کرتے ہیں۔
Deeply saddened by the tragic loss of life and widespread devastation caused by the severe floods and landslides in Bangladesh.
On behalf of the people of Pakistan, I extend my heartfelt condolences to the bereaved families and express our unwavering solidarity with the…— Shehbaz Sharif (@CMShehbaz) July 12, 2026
انہوں نے دعا کی کہ زخمی افراد جلد صحتیاب ہوں اور متاثرہ علاقوں میں موجود تمام افراد محفوظ رہیں۔
مزید پڑھیں:ملک کے بالائی علاقوں میں 13 جولائی تک بارشوں کی پیشگوئی، شہری سیلاب اور لینڈ سلائیڈنگ کا خدشہ
وزیراعظم شہباز شریف نے کہا کہ پاکستان اس قدرتی آفت کے باعث غمزدہ بنگلہ دیشی عوام کے دکھ میں برابر کا شریک ہے اور متاثرین کے لیے نیک تمناؤں کا اظہار کرتا ہے۔
